Kwan 21:34 - MUMA MALER 2015

³⁴ To Ruoth Nyasaye nowacho ni Musa niya, “Kik iluore, nimar asechiwe e lweti, kaachiel gi joge duto kod pinye. Timne mana kaka nitimo ni Sihon ruodh jo-Amor, mane odak Heshbon.”

Motingʼo Loko Manyien

³⁴ Jehova Nyasaye nowacho ne Musa niya, “Kik iluore, nimar asechiwe e lweti, en kaachiel gi jolweny mage duto kod pinye. Timne kaka ne itimone Sihon ruodh jo-Amor, mane obedo gi loch e piny Heshbon.”

Kwan 21:34 ပူးပေါင်းရင်းမြစ်များ

2 Samuel 5:19

Daudi nopenjo Ruoth Nyasaye wach niya, “Kadhi kedo gi jo-Filistia, nichiwgi e lweta koso?” Ruoth Nyasaye nodwoke niya, “Dhiyo; nachiwgi e lweti.”

1 Ruodhi 20:13

Eka janabi moro nobiro ir Ahab ruodh Israel, mowachone niya, “Ruoth Nyasaye owacho kama: ‘Donge ineno oganda maduong’ni? Kawuono eka abiro chiwogi e lweti, mi ining’e ni an e Ruoth Nyasaye.’ ”

1 Ruodhi 20:28

Ng’at Nyasaye moro nodhi ir ruodh Israel, mowacho ne niya, “Ruoth Nyasaye owacho kama: ‘Jo-Aram osewacho ni Ruoth Nyasaye en nyasach gode, to ok en nyasach holni. Omiyo abiro chiwo oganda maduong’ni duto e lweti, eka unung’e ni an e Ruoth Nyasaye.’ ”

2 Ruodhi 3:18

To mano en gima yot ni Ruoth Nyasaye, nimar jo-Moab bende obiro keto e lwetu.

Isaya 41:13

nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Kwan 14:9

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

Kwan 32:4

ma Ruoth Nyasaye osekawo ka jo-Israel neno, en piny man gi lek maber mar jamni, kendo ung’eyo ni wan jopith jamni.

Rapar mar Chik 2:30

To kata kamano, Sihon ruodh Heshbon nodagi miyowa thuolo mondo wakadhi, nimar Ruoth Nyasaye ma Nyasachu nomiyo toke odoko matek mondo ochiwe kaachiel gi pinye e lwetu, kendo uneno ka pinyno pod marwa nyaka chil kawuono.

Rapar mar Chik 20:3

kendo nowach niya, ‘Un jo-Israel, winjuru, kawuono uyworo machiegni mondo uked gi wasigu. Kik chunyu nyosre, kendo kik uluor. Kibaji bende kik gou kuneno wasikugo,

Rapar mar Chik 3:1

“Bang’e ne wawuok, mi wamako yo mochomo piny Bashan. Eka Og ruodh Bashan kaachiel gi joge duto ne jowuok mondo oked kodwa Edrei.

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

Rapar mar Chik 31:6

Beduru gi chir, kendo gi jing’o. Kik uluorgi, kendo kik chunyu nyosre, nimar Ruoth Nyasaye ma Nyasachu biro dhi kodu, kendo ok noweu kata jwang’ou ok nojwang’u.”

Rapar mar Chik 7:17

“Dipo ka uwacho niya, ‘Ogendinigi ng’eny mohingowa. Ere kaka dwariembgi?’

Rapar mar Chik 7:18

Kata kamano kik uluorgi, to paruru gik ma Ruoth Nyasaye ma Nyasachu notimo ni Farao kendo ni piny Misri ngima.

Rapar mar Chik 7:21

Kik luoro maku kukedo kodgi, nimar Ruoth Nyasaye ma Nyasachu, ma en Nyasaye maduong’ kendo malich ni kodu.

Rapar mar Chik 7:24

Enochiw ruodhi mag ogedinigo e lwetu, mi unumi kargi lal chuth, kendo onge kata ng’at achiel kuomgi ma nosiru, to unutiekgi pep.

Joshua 10:25

Eka Joshua nowacho ni jotelogo niya, “Kik uluor kata kik chunyu nyosre. Beduru gi chir kendo gi jing’o, nimar mano e kaka Ruoth Nyasaye notim ni wasigu duto mubiro kedogo.”

Joshua 10:8

Ruoth Nyasaye nowachone niya, “Kik iluorgi, nikech asechiwogi e lweti, kendo onge kata ng’at achiel ma nosiri.”

Joshua 8:7

Kwaringo kamano, eka uwuogi kama upondoe, kendo ukaw dalagino, nikech Ruoth Nyasaye ma Nyasachu biro chiwe e lwetu,

Jong’ad Bura 11:30

Nokuong’ore ni Ruoth Nyasaye niya, “Ka inichiw jo-Amon e lweta,

1 Samuel 23:4

Kuom mano Daudi nochako openjo Ruoth Nyasaye wach, mi Ruoth Nyasaye nodwoke niya, “A malo idhi Keila, nimar abiro chiwo jo-Filistia e lweti.”