Kwan 21:24 - MUMA MALER 2015

²⁴ To jo-Israel nonegogi oyokre, mokawo pinygi, chakre aora Arnon nyaka aora Jabok, ma en tong’ piny jo-Amon, kuma ne giyudoe ka weg pinyno rateke.

Motingʼo Loko Manyien

²⁴ Kata kamano jo-Israel nonege gi ligangla kendo gikawo puothe koa aora Arnon nyaka Jabok, ma en tongʼ mar jo-Amon kendo ne giyudo e pinyno ka jogo roteke.

Kwan 21:24 ပူးပေါင်းရင်းမြစ်များ

Chakruok 32:22

Gotienono Jakobo nochiew mokawo monde ariyo gi jotichne ariyo ma nyiri kod nyithinde apar gachiel, mi ne gikadho kama ing’adogo aora Jabok.

Nehemia 9:22

“Nimiyo giloyo pinje gi joma nodakie, mi gikawo ka gik mope e lweny. Kamano ne gikawo piny Sihon ruodh Heshbon, gi piny Og ruodh Bashan.

Zaburi 136:19

Ne gin Sihon ruodh Amor

Amos 2:9

To koro eka un ema numiyo atieko jo-Amor ma raboche ka yiend sida, kendo matek ka yiend ober. Ne atiekogi pep!”

Kwan 21:13

Eka ne gia Arnon e thim momakore gi piny jo-Amor. Aora Arnon ne ni e tong’ piny jo-Moab gi piny jo-Amor.

Rapar mar Chik 1:4

Mano notimore kane oseloyo Sihon ruodh Amor, mane odak Heshbon, kod Og ruodh Bashan, mane odak Ashtaroth gi Edrei.

Rapar mar Chik 29:7

Kane uchopo ka, to Sihon ruodh Heshbon kod Og ruodh Bashan ne jomonjowa, to ne waloyogi.

Rapar mar Chik 3:16

To jo-Reuben gi jo-Gad napogonigi piny mochakore Gilead nyaka dier holo mar Arnon, kendo nyaka holo mar Jabok, moting’o tong’ gi piny jo-Amon,

Rapar mar Chik 31:4

Ruoth Nyasaye biro tieko ogendinigo mana kaka notieko Sihon gi Og, ruodhi jo-Amor, kaachiel gi pinjegi.

Rapar mar Chik 4:46

mi gichopo e piny man yo wuokchieng’ mar aora Jordan e hoho momanyore gi Beth-peor e piny Sihon ruodh Amor modak Heshbon. Musa gi jo-Israel noloyo ruodhno kane gisea Misri,

Joshua 13:12

Piny Bashan noting’o piny Og duto, mane Og orito kodak Ashtaroth gi Edrei. E ndalo mane Musa onegoe jo-Refaim manok ma nodong’, mokawo pinygi, Og kende ema notony.

Joshua 24:8

nyaka nakelou e piny jo-Amor ma nodak yo wuok chieng’ mar aora Jordan. Ne gikedo kodu to naloyogi, maketogi e lwetu, mi ukawo pinygi.

Joshua 9:10

kendo gima notimo ni ruodhi ariyo mag jo-Amor man yo wuok chieng’ mar Jordan, ma gin Sihon ruodh Heshbon kod Og ruodh Bashan ma nodak Ashtaroth.

Jong’ad Bura 10:11

Ruoth Nyasaye nodwokogi niya, “Jo-Misri gi jo-Amor gi jo-Amon gi jo-Filistia

Jong’ad Bura 11:13

To ruodh jo-Amon nodwoko joote Jeftha niya, “Kane jo-Isarel wuok Misri, ne gikawo pinywa chakre aora Arnon nyaka aora Jabok gi aora Jordan, omiyo koro dwoknwauru pinyno gi kue.”

Jong’ad Bura 21:8

Mano emomiyo ne gipenjore ka nitie jomoko kuom dhout Israel mane ok obiro Mizpa e nyim Ruoth Nyasaye. To nobedo ni onge ja-Jabesh-gilead mane obiro e chokruokno,