Kwan 20:6 - MUMA MALER 2015

⁶ Musa kod Harun nodhi e Hema Miromoe gi Nyasaye e nyim jo-Israel. Ne gipodho piny auma, mi duong’ maler mar Ruoth Nyasaye nothinyore.

Motingʼo Loko Manyien

⁶ Musa kod Harun nowuok koa e chokruok kochiko dhoranga Hemb Romo mi gipodho auma, kendo duongʼ mar Jehova Nyasaye nofwenyorenegi.

Kwan 20:6 ပူးပေါင်းရင်းမြစ်များ

1 Weche mag Ndalo 21:16

Daudi nong’iyo malo moneno malaika mar Ruoth Nyasaye kochung’ e kind polo gi piny ka en gi ligangla e lwete ma nodwaro tiekogo Jerusalem. Daudi gi jodonge noriere piny auma ka girwakore gi pien gugru.

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Wuok 17:4

Kane Musa owinjo kamano nokwayo Ruoth Nyasaye gi chunye duto, kopenjo niya, “Abiro timo ang’o gi jogi, nimar gichiegni goya gi kite?”

Kwan 12:5

eka Ruoth Nyasaye nolor e siro mar bor polo. Nochung’ e dho Hema, mi oluongo Harun gi Miriam,

Kwan 14:10

To kar dwokogi, oganda jo-Israel nobwogogi mana ni goyogi mana gi kite, to sano duong’ mar Ruoth Nyasaye nothinyorenigi duto e Hemb Romo.

Kwan 14:5

Musa gi Harun ne jopodho piny mana e nyim oganda jo-Israel,

Kwan 16:19

Korah bende nochoko joge duto, mi gichung’ ka gimanyore gi ji ariyogo e dho Hema. Bang’e duong’ maler mar Ruoth Nyasaye nothinyore ni oganda duto mar Israel,

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Kwan 16:4

Kane Musa owinjo kamano, nopodho piny auma.

Kwan 16:42

E sa mane gichokoree ka ging’ur ni Musa gi Harun, ne giwichore ka gichiko Hemb Romo mi gineno ka bor polo oime, kendo duong’ maler mar Ruoth Nyasaye nothinyore kanyo.

Kwan 16:45

“Chung’uru mabor gi jogi mondo atiekgi dichiel ka diemo wang’!” To ne gipodho piny auma.

Kwan 20:7

Ruoth Nyasaye nowacho ni Musa niya,

Mathayo 26:39

Eka nochwalore nyime matin, mopodho piny auma, kolemo niya, “A Wuora, kanyalore to kikombe mar masira ni mondo okadha; to kik obed kaka an ema adwaro to mana kaka in ema idwaro.”

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.