Kwan 20:17 - MUMA MALER 2015

¹⁷ Wakwayi ni yie wakadhi e pinyi. Ok wananyon puotheu mag cham kata mag mzabibu, kendo ok wanamodh e sokniu. Wanaluw mana Ndach Ruoth, kendo ok wanabar korachwich kata koracham nyaka wakadh pinyi.”

Motingʼo Loko Manyien

¹⁷ Yienwa wakal e pinyi. Ok wananyon puodho moro amora kata puoth mzabibu, kata modho pi moa e soko moro amora. Wabiro mana luwo yor ruoth tir kendo ok wanagom yo korachwich kata koracham nyaka wakal pinyi duto.”

Kwan 20:17 ပူးပေါင်းရင်းမြစ်များ

2 Weche mag Ndalo 20:10

Kane jo-Israel oa e piny Misri, ne ikwerogi ni kik gimonj jo-Amon gi jo-Moab gi jo-got Seir, omiyo ne giweyogi ma ok gitiekogi.

Kwan 21:1

Kane ja-Kanaan ma ruodh Arad mane odak yo milambo mar pinyno owinjo ni jo-Israel biro koluwo yor Atharim, nomonjogi momako jomoko kuomgi.

Rapar mar Chik 2:27

‘Yie mondo wakadh e pinyi. Wabiro luwo mana yo tir ma ok wabaro korachwich kata koracham.

Rapar mar Chik 2:28

Bende wabiro ng’iewo kuomu chiemo mwachamo kod pi mwamodho.

Rapar mar Chik 2:29

Omiyo yienwa mondo wakadhi mana kaka nyikwa Esau modak Seir kod jo-Moab modak Ar ne joyienwa, mwakadho. Bang’ mano, wanyalo ng’ado Jordan mondo wadonj e piny ma Ruoth Nyasaye ma Nyasachwa miyowa.’