Kwan 20:14 - MUMA MALER 2015

¹⁴ Kane jo-Israel ni Kadesh, Musa nooro joote ir ruodh Edom, kowacho niya, “Owadu Israel owacho kama: Ing’eyo malong’o chandruok duto mwaseyudo,

Motingʼo Loko Manyien

¹⁴ Musa nooro joote moa Kadesh ir ruodh Edom, kowacho kama: “Ma e gima owadu Israel wacho: Ingʼeyo tije matek duto ma wasebedo godo.

Kwan 20:14 ပူးပေါင်းရင်းမြစ်များ

Chakruok 25:23

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Chakruok 25:25

Wuowi mane okwong nywol ne kwar, kendo dende ne chalo gi nanga marayier, omiyo ne gichake ni Esau (tiende ni, rayier).

Chakruok 25:26

Gikanyono owadgi Esau nowuok ka lwete omako ofunj tiend Esau, mi nochake ni Jakobo (tiende ni ofunj tielo). Isaka nonywolo yawuotego ka en jahigni piero auchiel.

Chakruok 32:29

Jakobo nokwaye niya, “Yie inyisa nyingi.” To nopenje ni, “Ang’o momiyo ipenja nyinga?” Kata kamano noguedhe.

Wuok 18:8

Musa nonyise duto mane Ruoth Nyasaye osetimo ni Farao, kendo ni jo-Misri, nikech nohero jo-Israel. Bende nonyise thagruok mane giyudo e yo, kendo kaka Ruoth Nyasaye noresogi.

Amos 1:11

Ruoth Nyasaye owacho niya, “Jo-Edom osetimo richo mang’eny, omiyo abiro kumogi mak orem, nikech ne gimonjo jowetegi ma jo-Israel, mi ginego malit, kendo ne ok gigeng’o mirimbgi, to ne gisiko ka gimako kodgi sadha marach.

Malaki 1:2

Ruoth Nyasaye owacho niya, “Aherou.” To usedwoke kupenje ni, “Ere kaka iherowa?” To Ruoth Nyasaye odwoko ni, “Donge Esau gi Jakobo ne gin owete? Kata kamano ahero Jakobo gi nyikwaye.

Kwan 13:26

mi gibiro ir Musa gi Harun kod oganda jo-Israel duto. Ne gipimonigi wach, kendo ne ginyisogi olembe mag pinyno.

Kwan 20:15

kendo kaka kwerewa nodhi Misri, mi wasedak kuno kuom higni mang’eny. Jo-Misri nothagowa malit mana kaka ne githago kwerewa,

Kwan 20:22

Oganda jo-Israel nowuok Kadesh, modhi e got Hor.

Rapar mar Chik 23:7

“To kik ukaw jo-Edom ka joma okwedi, nikech gin joweteu, bende kik ukaw jo-Misri ka joma okwedi nikech ne udak e pinygi ndalo moko.

Joshua 2:10

Wasewinjo kaka Ruoth Nyasaye nodwono pi Nam Makwar e nyimu, kane ua Misri. Bende wasewinjo kaka nunego Sihon gi Og, ruodhi mag jo-Amon man loka Jordan, kaachiel gi ogendini mag lweny.

Joshua 2:9

mowachonigi niya, “Ang’eyo ni Ruoth Nyasaye osemiyou pinyni, kendo en adier ni waduto waluor nikech birou, kendo kibaji omako piny duto.

Joshua 9:10

kendo gima notimo ni ruodhi ariyo mag jo-Amor man yo wuok chieng’ mar Jordan, ma gin Sihon ruodh Heshbon kod Og ruodh Bashan ma nodak Ashtaroth.

Joshua 9:9

Ne gidwoke niya, “Ruoth, waa e piny mabor ahinya nikech humb Ruoth Nyasaye ma Nyasachu. Wasewinjo gik ma notimore e Misri,