Kwan 2:18 - MUMA MALER 2015

¹⁸ Dhoudi ma nobed yo podho chieng’ e magi: Jo-Efraim nobed e bwo bandechgi, kochan e ogendgi mag lweny. Jatendgi en Elshama wuod Amihud.

Motingʼo Loko Manyien

¹⁸ Koa yo podho chiengʼ nobedie migepe mag Efraim kaluwore gi rangʼiny moketi. Jatend dhoodno ne en Elishama wuod Amihud.

Kwan 2:18 ပူးပေါင်းရင်းမြစ်များ

Chakruok 48:5

Eka Jakobo nomedo wacho ni Josef niya, “Yawuoti ariyo mane inywolo Misri kapok abiro iri kaeri, ibiro kwan ka nyithinda. Adier, Efraim gi Manase biro bedo maga, mana kaka Reuben gi Simeon.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Kwan 1:10

Kuom joka Josef to en Elishama wuod Amihud e dhood Efraim, kod Gamaliel wuod Pedazur e dhood Manase.

Kwan 1:32

Joka Josef ma jo dhood Efraim e utgi kaluwore gi kweregi, kindiko nying joma chwo duto ma hikgi oseromo piero ariyo kata mokadho kanyo ma oromo dhi e lweny,

Kwan 10:22

Kambi jo-Efraim ema nowuok mar adek, kowuok e bwo bandechgi, e ogendni mag lweny. Kambino noting’o jo-Efraim, ma jatendgi ne Elishama wuod Amihud,

Kwan 2:19

Ogandane mar lweny romo ji alufu piero ang’wen gi mia abich.

Kwan 7:48

Chieng’ mar abiriyo, Elishama wuod Amihud, jatend jo-Efraim, nokelo chiwo mare.

Kwan 7:53

kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Elishama wuod Amihud ogolo.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”