Kwan 2:17 - MUMA MALER 2015

¹⁷ Bang’gi to Hemb Romo ema nowuogi, ka kambi jo-Lawi osiko kargi e dier kambe mamoko. Ka giwuotho, to ginichanre mana kaka kambegi ochanore, ka ng’ato ka ng’ato ni e bwo bandeche.

Motingʼo Loko Manyien

¹⁷ Bangʼe Hemb Romo kod kar dak mar jo-Lawi noket e dier kambe mamoko. Ginichanre mana kaka kuondegi mag bworo ochanore ka jomoko ka jomoko ni kargi giwegi.

Kwan 2:17 ပူးပေါင်းရင်းမြစ်များ

Kwan 10:17

Kane Hema Maler omuki, joka Gershon gi joka Merari nowuok koting’e.

Kwan 10:21

Joka Kohath ma joting’ gik maler ema nowuok bang’ jogo, to kane gichopo kama onego gurie kambi, ne giyudo ka osegur Hema Maler.

Kwan 2:1

Ruoth Nyasaye nowacho ni Musa gi Harun kama:

Kwan 2:18

Dhoudi ma nobed yo podho chieng’ e magi: Jo-Efraim nobed e bwo bandechgi, kochan e ogendgi mag lweny. Jatendgi en Elshama wuod Amihud.

Kwan 3:38

To mogik, Musa gi Harun kod joka Harun noket e nyim Hema Maler yo wuok chieng’ mar Hemb Romo. Gin ema ne omigi tich rito Kama Ler ni jo-Israel, to ng’ato ang’ata ma ok jadolo mane nyalo sudo machiegni nyaka ne negi.

1 Jo-Korintho 14:40

to weuru gik moko duto otimre maber kendo makare.

Jo-Kolosai 2:5

Kata obedo ni ok an kodu gi ringra, to an kodu gi chunya, kendo amor ahinya kaneno kaka uritoru maber, kendo kaka un gi yie motegno kuom Kristo.