Kwan 19:9 - MUMA MALER 2015

⁹ Bang’ mano, ng’at ma ok ogak nojow buch dheno, mi nodhi oole oko mar kambi, kamoro maler. Nyaka kan buruno mondo oganda jo-Israel olosgo pi mar pwodhruk, nikech dheno otimgo misango mar golo richo.

Motingʼo Loko Manyien

⁹ “Ngʼat maler nochok buru mag nyaroyano kendo oketgi kar misango maler e oko mar kambi. Ginikan-gi gi dhout oganda mar jo-Israel mondo ti kodgi e pi pwodhruok; nikech en mar pwodho ji aa e richo.

Kwan 19:9 ပူးပေါင်းရင်းမြစ်များ

Tim jo-Lawi 15:20

Gimoro amora monindoe kata mobetie e kindego nobed mogak.

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Kwan 19:13

Ng’ato momulo ng’at motho, to ok nopwodhre, ochido Hema Maler mar Ruoth Nyasaye. Ng’atno nong’ad kare oko kuom jo-Israel. Pi pwodhruok ne ok kir kuome, omiyo osiko kogak.

Kwan 19:17

Kuom gak ma kamano, ginikaw buch misango mar golo richo, mi giruw gi pi aora manie agulu.

Kwan 19:18

Bang’e ng’at ma ok ogak nokaw owino mi nolut e pigno, eka nokir e hema kod e gik moko manie iye, kaachiel gi ji duto ma tho ng’atno oyudo kanyo. Ng’at momulo choke dhano, kata ng’at monegi, kata ng’at motho athoya, kata momulo liel, bende nokir pigno kuome.

Kwan 19:3

Nyaka ichiwe ni Eleazar jadolo mondo ogole oko yo wuokchieng’ mar kambi, kendo onege kuno.

Kwan 19:8

Ng’at mowang’o dheno nolwok lepe, kendo nolwokre, to en bende nosik kogak nyaka chieng’ podhi.

Kwan 6:12

Kuom ndalo duto mane okuong’oree, kendo nokel nyaim ma hike achiel mondo otimgo misango mipwodhogo ketho mar gowi. To kinde mane oyudo osetieko e walruokneno ok nokwan, nikech yie wiye mane nyiso ni owale ne odoko mogak.

Kwan 8:7

To ma e kaka nipwodhgi: Kir kuomgi pi mapwodho richo. Nyaka giliel dendgi duto, kendo gilwok dendgi, mi gidok mopwodhore.

Kwan 9:13

Ka nga’to odagi timo pasaka, to ok ogak, kata ok odhi e wuoth kuma bor, to nyaka ng’ad kare oko kuom ogandagi, nikech ok osekelo ni Ruoth Nyasaye chiwo e kinde moketi. Ng’at ma kamano noyud kum kuom kethone.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

Jo-Hibrania 9:13

Ka remb diek gi remb ruedhi kod buch roya mikiro nyalo pwodho ringre joma ogak mi gidok maler,