Kwan 19:8 - MUMA MALER 2015

⁸ Ng’at mowang’o dheno nolwok lepe, kendo nolwokre, to en bende nosik kogak nyaka chieng’ podhi.

Motingʼo Loko Manyien

⁸ Ngʼatno mowangʼo nyaroyano bende nyaka luok lepe, kendo olwokre, en bende nobed mochido nyaka chop odhiambo.

Kwan 19:8 ပူးပေါင်းရင်းမြစ်များ

Tim jo-Lawi 11:25

Ng’at moting’ogi ka gisetho nyaka lwok lepe, to nosik kogak nyaka odhiambo.

Tim jo-Lawi 16:28

Ng’at ma owang’ogi nyaka lwok lepe kendo lwokre, eka bang’e onyalo duogo e kambi.

Tim jo-Lawi 17:15

“Ng’ato ang’ata, bed ni en ja-Israel kata japiny moro modak kuomu, mochamo gimoro motho athoya kende, kata ma ondiek onego, nolwok lepe kendo nolwokre, to nosik kogak nyaka odhiambo, eka bang’e nobed maler.

Kwan 19:21

“Chikno omakou nyaka chieng’. Ng’at ma kiro pi pwodhruok nyaka lwok lepe, kendo ng’ato ang’ata momulo pigno nobed mogak nyaka chieng’ podhi.

Kwan 19:7

Bang’e enolwok lepe kendo nolwokre gi pi, eka onyalo donjo e kambi, to kata kamano, pod nosik kogak nyaka chieng’ podhi.

Kwan 19:9

Bang’ mano, ng’at ma ok ogak nojow buch dheno, mi nodhi oole oko mar kambi, kamoro maler. Nyaka kan buruno mondo oganda jo-Israel olosgo pi mar pwodhruk, nikech dheno otimgo misango mar golo richo.