Kwan 19:7 - MUMA MALER 2015

⁷ Bang’e enolwok lepe kendo nolwokre gi pi, eka onyalo donjo e kambi, to kata kamano, pod nosik kogak nyaka chieng’ podhi.

Motingʼo Loko Manyien

⁷ Bangʼ mano, jadolo nyaka luok lepe kendo olwokre gi pi. Bangʼe onyalo donjo e kambi, makmana ni obiro bedo mochido nyaka chop odhiambo.

Kwan 19:7 ပူးပေါင်းရင်းမြစ်များ

Tim jo-Lawi 11:24

Ka ng’ato omulo gik makamago to obedo mogak, kendo gimoro amora mogere kuomgi ka gisetho nobed mogak nyaka odhiambo.

Tim jo-Lawi 11:25

Ng’at moting’ogi ka gisetho nyaka lwok lepe, to nosik kogak nyaka odhiambo.

Tim jo-Lawi 11:27

Bende unukuer le duto man gi tiende ang’wen, ma wuotho ka nyono piny gi i tiendegi kaka paka kata guok. Ng’at momulogi ka gisetho nobed mogak nyaka odhiambo.

Tim jo-Lawi 11:28

Ng’at moting’ogi ka gisetho nyaka lwok lepe, to nosik kogak nyaka odhiambo. Le makamago nyaka ukuer.

Tim jo-Lawi 11:31

Unukuergi, kendo ng’at momulogi ka gisetho nobed mogak nyaka odhiambo.

Tim jo-Lawi 11:32

Ka achiel kuomgi otho, molwar kuom gimoro, to gino nobed mogak, bed ni en gima olos gi yien, kata en law, kata pien kata ogunia, kata gimoro amora mikonyruokgo pile. Nyaka nyume e pi, to nosik kogak nyaka odhiambo. Bang’e nobed maler.

Tim jo-Lawi 11:39

Ka chiayo moro michamo otho, to ng’ato ang’ata momule nobed mogak nyaka odhiambo.

Tim jo-Lawi 11:40

Ng’at mochame nyaka lwok lepe, to nosik kogak nyaka odhiambo. Kata ng’at moting’o chiayono bende nyaka lwok lepe, kendo nosik kogak nyaka odhiambo.

Tim jo-Lawi 14:46

Ng’ato ang’ata mane oyudo odonjo e odno e kinde mane olore nobed mogak nyaka odhiambo,

Tim jo-Lawi 15:5

ng’ato ang’ata momulo kitandano nyaka lwok lepe, kendo lwokre, to nosik kogak nyaka odhiambo.

Tim jo-Lawi 22:6

Ng’ato ang’ata momulo achiel kuom gik makamago nobed mogak nyaka chieng’ podhi, kendo ok nocham chiwo malergo ka pok olwokore.

Kwan 19:10

Ng’at mane ojowo buch dheno nyaka lwok lepe, to en bende nosik kogak nyaka chieng’ podhi. Chikni omako jo-Israel nyaka chieng, kaachiel gi jopinje mamoko modak kuomgi.

Kwan 19:19

Ng’at ma ok ogak nyaka kir pigno kuom ng’at mogak chieng’ mar adek gi chieng’ mar abiriyo, mi chieng’ mar abiriyo nodok mopwodhore kuom gakne. Nolwok lepe, kendo nolwokre, eka nobed maler ka chieng’ opodho.

Kwan 19:21

“Chikno omakou nyaka chieng’. Ng’at ma kiro pi pwodhruok nyaka lwok lepe, kendo ng’ato ang’ata momulo pigno nobed mogak nyaka chieng’ podhi.

Kwan 19:22

Gimoro amora ma ng’at mogak omulo bedo mogak, kata ng’at momulo gino bende bedo mogak nyaka chieng’ podhi.”

Kwan 19:8

Ng’at mowang’o dheno nolwok lepe, kendo nolwokre, to en bende nosik kogak nyaka chieng’ podhi.

Jo-Hibrania 13:11

Jadolo maduong’ tero remb jamni Kama Ler Moloyo mondo ochiw ka misango mar golo richo. Ringregi to iwang’o oko mar kambi.