Kwan 19:19 - MUMA MALER 2015

¹⁹ Ng’at ma ok ogak nyaka kir pigno kuom ng’at mogak chieng’ mar adek gi chieng’ mar abiriyo, mi chieng’ mar abiriyo nodok mopwodhore kuom gakne. Nolwok lepe, kendo nolwokre, eka nobed maler ka chieng’ opodho.

Motingʼo Loko Manyien

¹⁹ Ngʼat maler ema nyaka kir pi kuom ngʼat mochidono chiengʼ mar adek gi mar abiriyo, to kochopo e odiechiengʼ mar abiriyo nyaka opwodhe. Ngʼama ipwodhono nyaka luok lepe kendo luokre gi pi, kendo odhiambono nobed mapoth.

Kwan 19:19 ပူးပေါင်းရင်းမြစ်များ

Chakruok 2:2

Chieng’ mar auchiel Nyasaye notieko gik moko duto mane otimo, eka noweyo tijene duto mi oyueyo chieng’ mar abiriyo.

Wuok 19:10

Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Tim jo-Lawi 14:7

Eka nokir remono nyadibiriyo kuom ng’at mipwodhone tuo dhoho. Bang’e nong’ad wach ni ng’atno ler, kendo nowe winyo mangima cha dhi e thim.

Tim jo-Lawi 14:9

Chieng’ mar abiriyo nochak oliel yie wiye duto gi yie tike kod yie wang’e kaachiel gi yie dende moko duto. Bang’e nolwok lepe kendo nolwokre gi pi, eka nobed mopwodhore chuth.

Kwan 19:12

Enopwodhre gi pi pwodhruok chieng’ mar adek gi chieng’ mar abiriyo, to nosik kogak.

Kwan 19:13

Ng’ato momulo ng’at motho, to ok nopwodhre, ochido Hema Maler mar Ruoth Nyasaye. Ng’atno nong’ad kare oko kuom jo-Israel. Pi pwodhruok ne ok kir kuome, omiyo osiko kogak.

Kwan 19:18

Bang’e ng’at ma ok ogak nokaw owino mi nolut e pigno, eka nokir e hema kod e gik moko manie iye, kaachiel gi ji duto ma tho ng’atno oyudo kanyo. Ng’at momulo choke dhano, kata ng’at monegi, kata ng’at motho athoya, kata momulo liel, bende nokir pigno kuome.

Kwan 31:19

To ng’ato ka ng’ato kuomu moseneko, kata mosemulo ng’at motho, nyaka dong’ oko mar kambi kuom ndalo abiriyo. Gudreuru chieng’ mar adek kod chieng’ mar abiriyo, kendo upwodh joma umako e lweny.

Kwan 31:24

Chieng’ mar abiriyo nyaka ulwok lepu, mi ubed maler, eka bang’e unyalo duogo e kambi.”

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 10:22

wasuduru ir Nyasaye gi chuny maradier, kendo ka wan gi yie motegno, bende ka chunywa manyisowa ni wan joketho opwodhi, kendo ka ringrewa olwoki gi pi maliw.

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

Juda 1:23

Resgiuru, kugologi e mach. Ji moko nitie ma bende nyaka ukechi, to mana ka uluor, kendo kubedo mosin kata mana gi lepgi ma gombogi mag richo osechido.