Kwan 19:18 - MUMA MALER 2015

¹⁸ Bang’e ng’at ma ok ogak nokaw owino mi nolut e pigno, eka nokir e hema kod e gik moko manie iye, kaachiel gi ji duto ma tho ng’atno oyudo kanyo. Ng’at momulo choke dhano, kata ng’at monegi, kata ng’at motho athoya, kata momulo liel, bende nokir pigno kuome.

Motingʼo Loko Manyien

¹⁸ Eka ngʼatno maler nokaw owino, gilute e pi kendo gikuo pi e hema kod e gik moko duto molosgo ii hekalu gi ji man kanyo. Bende nyaka okwo pi kuom ngʼato angʼata mabed ni osemulo chok ngʼama osetho kata liel kata ngʼato ma osenegi kata ngʼato motho athoya.

Kwan 19:18 ပူးပေါင်းရင်းမြစ်များ

Zaburi 51:7

Golna richona, eka abed maler, kendo lwoka mondo abed matar moloyo pe.

Zaburi 51:9

Geng’ wang’i ni richona, kendo lwok timbena mamono duto.

Isaya 52:15

e kaka ogendini mang’eny nobwogi ka onene, kendo ruodhi noling’ thi e nyime, nikech ginine gima ne pok giwinjo.

Kwan 19:17

Kuom gak ma kamano, ginikaw buch misango mar golo richo, mi giruw gi pi aora manie agulu.

Kwan 19:19

Ng’at ma ok ogak nyaka kir pigno kuom ng’at mogak chieng’ mar adek gi chieng’ mar abiriyo, mi chieng’ mar abiriyo nodok mopwodhore kuom gakne. Nolwok lepe, kendo nolwokre, eka nobed maler ka chieng’ opodho.

Kwan 19:9

Bang’ mano, ng’at ma ok ogak nojow buch dheno, mi nodhi oole oko mar kambi, kamoro maler. Nyaka kan buruno mondo oganda jo-Israel olosgo pi mar pwodhruk, nikech dheno otimgo misango mar golo richo.

Johana 17:17

Walgi gichiwreni kuom adiera. Wachni en adiera.

Johana 17:19

Achiworani nikech gin, mondo gin bende gibed joma owalni kuom adiera.

1 Jo-Korintho 1:30

Osekelou e achiel gi Kristo Yesu, kendo osemiyo Kristo obedo riekowa. Kuom Kristo bende ema Nyasaye osemiyo wabet e winjruok kode, kendo osemiyo wabedo joge kendo wayudo warruok.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.

Jo-Hibrania 9:19

Mano en adier, nikech kane Musa osehulo ni ji chike duto, nokawo remb nyiroye gi diek, kaachiel gi pi, mi okiro e kitap Chik, kendo okiro kuom ji duto, nokiro remono gi yie rombo malando kod owino,