Kwan 18:8 - MUMA MALER 2015

⁸ Ruoth Nyasaye nochako owacho ni Harun niya, “An awuon aketo e lweti mich duto, tiende ni chiwo maler duto ma jo-Israel okelo. Amiyigi ka pokni kaachiel gi nyikwayi, kaluwore gi chik mochwere.

Motingʼo Loko Manyien

⁸ Eka Jehova Nyasaye nowacho ne Harun niya, “An awuon aseketi jarit mar chiwo duto mokelna; chiwo maler duto ma jo-Israel omiya amiyi kod yawuoti kaka pok maru kendo mano ema unuyud pile.

Kwan 18:8 ပူးပေါင်းရင်းမြစ်များ

2 Ruodhi 12:16

To chiwo mipwodhogo ketho mar gowi, kod mag golo richo ne ok kel e Od Ruoth Nyasaye, nimar ne gin mag jodolo.

2 Weche mag Ndalo 31:4

Bende nochiko joma nodak Jerusalem mondo ochiw ni jodolo gi jo-Lawi pokgi, mondo gichiwre ni chopo chik Ruoth Nyasaye.

2 Weche mag Ndalo 31:5

Kane wachni oselandore e piny, jo-Israel nochiwo cham ma gikwongo kayo, gi divai ma gikwongo loso, gi mor zeituni mokwongo nyak, gi mor kich, kod gik moko mag puodho, kendo ji mang’eny nokelo achiel kuom apar mag gik moko duto.

Wuok 28:43

Harun gi yawuote nyaka rwakgi ka gidonjo e Hemb Romo, kata ka gidhi e kendo-mar-misango mondo giti tich dolo. Kamano ok ginikethi, kendo ok ginitho. Chikni omako Harun gi nyikwaye nyaka chieng’.

Wuok 29:21

“Kaw remo moko manie wi kendo-mar-misango, kod mor wir, mi ikir kuom Harun gi yawuote, kendo kuom lepgi, kamano Harun gi yawuote kaachiel gi lepgi nodok maler.

Wuok 29:28

Mago nobed lemo ma Harun gi yawuote yudo kuom jo-Israel, nyaka chieng’. En lemo moket tenge ni jodolo ma jo-Israel golo kuom misengni mag sawo. En mich ma nyaka gichiw ni Ruoth Nyasaye.

Wuok 29:29

“Lep Harun mag dolo nyaka dong’ ni yawuote bang’ thone mondo girwak kiwirogi kendo kiketogi e tich dolo.

Wuok 40:13

Eka irwak Harun gi lep dolo, kendo iwire gi mo, kiwale mondo obed jadolona.

Wuok 40:15

Wirgi mana kaka isewiro wuon-gi, mondo gin bende gibed jodolona. Wirno biro miyo gibedo jodolona kaachiel gi nyikwagi kuom tiengegi duto nyaka chieng’.”

Isaya 10:27

Chieng’no ting’ mapek mane jo-Asuria oketo e goku nogol, kendo nyororo ma osebedo ka gitueyogo ng’utu nochod oko.”

Tim jo-Lawi 21:10

Jadolo maduong’ e kind owetene ma en jadolo moseol mo e wiye, mi owal mondo orwak lep dolo, kik we wiye koyuothore, kata kik yiech lawe, konyisogo gi iye owang’.

Tim jo-Lawi 23:20

Jadolo nyaka chiwgi e nyim Ruoth Nyasaye ka mich moyiedhi, kaachiel gi makati mag chamb gwel. Ginibed mich moyiedhi michiwo e nyim Ruoth Nyasaye, kendo ginidong’ ni jadolo.

Tim jo-Lawi 6:16

To modong’, Harun gi yawuote nocham, maonge thowi, e laru mar Hemb Romo, ma en kama oyang ni Ruoth Nyasaye.

Tim jo-Lawi 6:18

Joka Harun duto machwo nyalo chame ka migapgi kuom misengni mowang’ ni Ruoth Nyasaye. Mano en chik mochwere kuom tiengeu duto. Gimoro amora mogere kuom misengnigo nodok mowal ni Ruoth Nyasaye.

Tim jo-Lawi 6:20

“Mich ma Harun gi yawuote nochiw ni Ruoth Nyasaye chieng’ mowire nobed mogo moromo kilo ang’wen, ma en misango mar cham mapile. Nus mogono nochiw gokinyi, to nus machielo nochiw godhiambo.

Tim jo-Lawi 6:26

Jadolo motimo misangono ema nochame e laru mar Hemb Romo ma en kama oyang ni Ruoth Nyasaye.

Tim jo-Lawi 7:14

To kek achiel kuom misango ka misango nyaka yiegi e nyim Ruoth Nyasaye. Enodong’ ni jadolo ma kiro remb misango mar sawo e kendo mar misango.

Tim jo-Lawi 7:28

Ruoth Nyasaye nowacho ni Musa

Tim jo-Lawi 7:6

Ng’ato ka ng’ato ma dichwo ma jaodgi jodolo nyalo chame, to nyaka chame kama owal ni Ruoth Nyasaye, nikech en gima ler moloyo.

Tim jo-Lawi 8:30

Nokawo mor wir moko gi remo moko mane ni ewi kendo mar misango, mokiro kuom Harun gi lepe mag dolo, kendo kuom yawuote gi lepgi mag dolo.

Kwan 18:9

Gima ogol kuom chiwo moro amora maler moloyo, ma ok owang’ e kendo-mar-misango, nobed mari gi nyikwayi, bed ni en misango mar cham, kata mar golo richo, kata mipwodhogo ketho mar gowi, mochiwna ka mich maler moloyo.

Kwan 5:9

“Mich moyiedhi duto ma jo-Israel kelo nobed mag jadolo.

1 Jo-Korintho 9:13

Donge ung’eyo ni joma tiyo tich Hekalu chamo gik mochiw e Hekalu, kendo ni joma tiyo e kendo-mar-misango bende nwang’o pokgi kuom gik motimgo misango?

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Rapar mar Chik 12:6

Kanyo ema ubiro keloe misengni mau miwang’o pep, kod misengni mamoko, gi chiwo mar achiel kuom apar, kod chiwo mamoko kod gik ma ukuong’oru ni ubiro chiwo, kod mago muchiwo kuom herou, kaachiel gi nyithindo makayo mag jambu.

Rapar mar Chik 18:1

“Jodolo ma jo-Lawi, tiende ni dhood Lawi duto, ok noyud pinygi giwegi kaka dhout Israel mamoko. Ginibed ka giyudo pokgi mana kuom misengni motim ni Ruoth Nyasaye, kendo kuom dir mwandu muchiwo ni Ruoth Nyasaye.

Rapar mar Chik 26:13

Bang’ mano ng’ato ka ng’ato nowach e nyim Ruoth Nyasaye ma Nyasachu niya, Asegolo gik mowalni e oda, mi amiyo jo-Lawi gi jopinje mamoko gi nyithindo makiye kod mond liete mana kaka nichika. Wiya ok osewil, kata ok aseketho chikni moro kata achiel.

Jo-Hibrania 1:9

Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”

1 Johana 2:20

Un ema Ng’ama Ler osewirou, omiyo un duto ung’eyo adiera.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.