Kwan 18:32 - MUMA MALER 2015

³² Ka usegolo ni Ruoth Nyasaye gik mabeyoe moloyo kamano, to ok unubed joketho kuom wachno, kendo ok nobed ni udwanyo gik maler ma jo-Israel ochiwo, ma dimi utho.”

Motingʼo Loko Manyien

³² Ka usegolone Jehova Nyasaye gik mabeyo moloyo kamano, to ok unubed joketho kuom wachno, kendo ok nobed ni udwanyo gik maler ma jo-Israel ochiwo kendo ok ubi tho.’ ”

Kwan 18:32 ပူးပေါင်းရင်းမြစ်များ

Wuok 28:43

Harun gi yawuote nyaka rwakgi ka gidonjo e Hemb Romo, kata ka gidhi e kendo-mar-misango mondo giti tich dolo. Kamano ok ginikethi, kendo ok ginitho. Chikni omako Harun gi nyikwaye nyaka chieng’.

Tim jo-Lawi 19:8

Ng’ato ang’ata mochame nyaka yud kum kuom kethone, nikech osechayo gima ler mar Ruoth Nyasaye. Ng’atno nong’ad kare oko kuom ogandagi.

Tim jo-Lawi 22:2

“Nyis Harun gi yawuote ni nyaka giritre ahinya ka gitiyo gi mich maler ma jo-Israel chiwona, nono to gichayo nyinga maler. An e Ruoth Nyasaye.

Malaki 1:7

Usejara kuom chiwo chiemo ma chik ok oyiego e kendona mar misango, to eka upenja ni ere kaka ok usemiya luor! To usejara kuchayo kendona mar misango.

Kwan 18:22

Jo-Israel ok nochak osud machiegni gi Hema, nono to githo.

Kwan 18:31

Unyalo chamogi kamoro amora gi joodu. En e pok muyudo kuom tiyo e Hemb Romo.

Kwan 19:1

Ruoth Nyasaye nowacho ni Musa gi Harun mondo onyis jo-Israel chik moseketno, kowacho miya,

1 Jo-Korintho 11:27

Emomiyo ka ng’ato chamo makati mar Ruoth, kata ometho e kikombene e yo ma ok owinjore, to en gi bura kuom ringre Ruoth kod remb Ruoth.

1 Jo-Korintho 11:29

nikech ng’at mochamo makatino kendo ometho e kikombeno ka ok odewo ni gin ringre Ruoth, to okelo bura kuome owuon, kuom chiemo kendo metho kamano.