Kwan 18:29 - MUMA MALER 2015

²⁹ Kuom chiwo duto muyudo, unugolie mich michiwo ni Ruoth Nyasaye. Nyaka uchiw mana mabeyo moloyoe kuomgi.

Motingʼo Loko Manyien

²⁹ Nyaka ichiw pok mar Jehova Nyasaye gino maber kendo maler moloyo mar gik moko duto ma omiu.’

Kwan 18:29 ပူးပေါင်းရင်းမြစ်များ

Chakruok 45:18

gidhi gikaw wuon-gi kod joodgi duto mondo gibi ira. Abiro miyogi kama ber moloyo e Misri mondo gidagie, kendo ginicham chiemo mabeyo ahinya mayudore e pinya.

Wuok 29:28

Mago nobed lemo ma Harun gi yawuote yudo kuom jo-Israel, nyaka chieng’. En lemo moket tenge ni jodolo ma jo-Israel golo kuom misengni mag sawo. En mich ma nyaka gichiw ni Ruoth Nyasaye.

Kwan 18:28

Mano e kaka unugol ni Ruoth Nyasaye chiwo mogol kuom achiel kuom apar duto ma uyudo kuom jo-Israel. Chiwo mugolo ni Ruoth Nyasayeno nyaka umi Harun jadolo.

Kwan 18:30

“Bende wach ni jo-Lawi niya, “Ka usegolo ni Ruoth Nyasaye mich mabeyo moloyo kuom poku, to modong’ nobednu ka cham mogol kar dino, kata divai mogol kar bicho.