Kwan 18:24 - MUMA MALER 2015

²⁴ nimar amiyogi achiel kuom apar mag gik moko ma jo-Israel chiwo ni Ruoth Nyasaye, mondo obed mwandugi. Mano emomiyo anyisogi ni ok giniyud lowo mopognigi kuom jo-Israel.”

Motingʼo Loko Manyien

²⁴ Kata kamano, amiyo jo-Lawi kaka girkeni margi achiel kuom apar ma jo-Israel ochiwo kaka misango ne Jehova Nyasaye. Mano emomiyo ne awacho kama kuomgi: ‘Ok giniyud girkeni e dier jo-Israel.’ ”

Kwan 18:24 ပူးပေါင်းရင်းမြစ်များ

Nehemia 10:38

To ka jo-Lawi choko achiel kuom apar mag chamgo, to jadolo ma ja dhood Harun nyaka bed kodgi. Jo-Lawi nyaka kel achiel kuom apar mag chamgo, to jodolo ma jadhood Harun nyaka bed kodgi. Jo-Lawi nyaka kel achiel kuom apar mag achiel kuom apargo e Od Nyasachwa mondo okan e ut keno mowinjore.

Nehemia 13:12

Eka jo-Juda duto nokelo achiel kuom apar mag mo e ut keno.

Tim jo-Lawi 27:30

“Achiel kuom apar mag gik moko duto ma piny onyago, bed ni gin cham, kata olembe, gin mag Ruoth Nyasaye, kendo gin gik maler mowalne.

Kwan 18:25

Ruoth Nyasaye nowacho ni Musa niya,

Kwan 18:26

“Nyis jo-Lawi kama, “Ka jo-Israel chiwonu achiel kuom apar mag mwandugi, ma amiyou ka poku, to un bende nyaka uchiw ni Ruoth Nyasaye achiel kuom apar mag gigo.

Kwan 26:62

Kar romb jo-Lawi ma chwo, chakre ja due achiel kadhi nyime, ne alufu piero ariyo gadek. Nondik nyinggi mopogore gi dhout Israel mamoko, nikech ne ok opognigi lowo kaka ipogo ni dhout Israel mamoko.

Rapar mar Chik 10:9

Mano emomiyo jo-Lawi onge gi piny mopognigi ka mwandugi, kaka opog ni dhout Israel mamoko. Ruoth Nyasaye ma Nyasachu owuon e mwandugi, mana kaka nosesingorenigi.

Rapar mar Chik 26:12

“Ka usetieko choko achiel kuom apar mag gik monyak e higa mar adek, ma en higa michiwoe achiel kuom apar mar gik manyak, to nyaka uchiw gigo ni jo-Lawi gi jopinje mamoko modak kuomu, kaachiel gi nyithindo ma kiye kod mond liete, mondo gibed gi chiemo moromogi e miechu.

Joshua 13:14

Jo-Lawi kende ema ne ok oyudo piny, nimar Ruoth Nyasaye ma Nyasach Israel ema nobedo ka mwandugi, kaka nosesingorenigi.