Kwan 18:19 - MUMA MALER 2015

¹⁹ “Mich duto mag gik maler ma jo-Israel chiwo ni Ruoth Nyasaye, amiyo gi yawuoti kod nyigi, kaluwore gi chik mochwere. Mano en singruok mosiko ma ok kethre, ma Ruoth Nyasaye otimo kodi kaachiel gi nyikwayi bende.”

Motingʼo Loko Manyien

¹⁹ Gimoro amora mowal tenge koa kuom misengini maler ma jo-Israel ochiwo ne Jehova Nyasaye, amiyoi gi yawuoti kod nyigi kaka pok maru mapile. En singruok ma ok rum e nyim Jehova Nyasaye ne in kaachiel gi nyikwayi.”

Kwan 18:19 ပူးပေါင်းရင်းမြစ်များ

2 Ruodhi 12:16

To chiwo mipwodhogo ketho mar gowi, kod mag golo richo ne ok kel e Od Ruoth Nyasaye, nimar ne gin mag jodolo.

2 Weche mag Ndalo 13:5

Donge ung’eyo ni Ruoth Nyasaye ma Nyasach Israel nomiyo Daudi gi nyikwaye loch Israel nyaka chieng’ kotimo kodgi singruok ma ok kethre?

2 Weche mag Ndalo 31:4

Bende nochiko joma nodak Jerusalem mondo ochiw ni jodolo gi jo-Lawi pokgi, mondo gichiwre ni chopo chik Ruoth Nyasaye.

Wuok 29:27

Ipwodh agoko im mane orwakgo Harun gi yawuote, kiyiege e nyim Ruoth Nyasaye. Em imno moket tenge ni jodolo bende itim kamano.

Ezekiel 43:24

ikel ira, an Ruoth Nyasaye. Jodolo mondo okir kuomgi chumbi, otimnago misango miwang’o pep.

Tim jo-Lawi 2:13

Misengni duto mag cham mutimo nyaka ketie chumbi majiwo singruok mane utimo gi Nyasaye. Kamano chumbi nyaka keti e misengni duto mutimo.

Tim jo-Lawi 21:22

Kaka orang’ol kamano, kik osud machiegni mondo ochiw chiemo ni Nyasache. Onyalo chamo chiemb Nyasache, bed ni ogol chiemo kuom gik maler kata kuom gik maler moloyo.

Tim jo-Lawi 7:14

To kek achiel kuom misango ka misango nyaka yiegi e nyim Ruoth Nyasaye. Enodong’ ni jadolo ma kiro remb misango mar sawo e kendo mar misango.

Kwan 18:11

“Gik ma jo-Israel chiwo ka mich moyiedhi bende nobed mau. Achiwonugi kaachiel gi yawuoti kod nyigi, kaluwore gi chik mochwere. Ng’ato ang’ata mae odi ma ok ogak nyalo chamogi.

Kwan 18:8

Ruoth Nyasaye nochako owacho ni Harun niya, “An awuon aketo e lweti mich duto, tiende ni chiwo maler duto ma jo-Israel okelo. Amiyigi ka pokni kaachiel gi nyikwayi, kaluwore gi chik mochwere.

Kwan 31:29

Gik mugolo kuom pok jolwenygo nyaka mi Eleazar jadolo kaka chiwo ni Ruoth Nyasaye.

Kwan 31:41

Musa nomiyo Eleazar jadolo pok mane ogol ni Ruoth Nyasaye, kaka Ruoth Nyasaye nochike.

Rapar mar Chik 12:26

To chiwo mowal ni Ruoth Nyasaye, kod gik mukuong’oru ni ubiro chiwo, nyaka ukel kama Ruoth Nyasaye biro yiero.

Rapar mar Chik 12:6

Kanyo ema ubiro keloe misengni mau miwang’o pep, kod misengni mamoko, gi chiwo mar achiel kuom apar, kod chiwo mamoko kod gik ma ukuong’oru ni ubiro chiwo, kod mago muchiwo kuom herou, kaachiel gi nyithindo makayo mag jambu.