Kwan 18:15 - MUMA MALER 2015

¹⁵ “Nyithindo makayo duto michiwo ni Ruoth Nyasaye nobed mau, bed ni gin mag dhano kata mag le. To nyaka war nyitnindo duto makayo mag dhano kod mag le ma ok ler.

Motingʼo Loko Manyien

¹⁵ Nyodo mokwongo mar ich, obed dhano kata chiayo, mochiwne Jehova Nyasaye en mari. To nyaka uwar wuowi makayo moro amora kod kayo madichwo moro amora mar jamni ma ok ler.

Kwan 18:15 ပူးပေါင်းရင်းမြစ်များ

2 Ruodhi 12:5

Tiuru gi pesago kuom kuonde mokethore e Hekalu.”

Nehemia 10:37

Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Wuok 13:15

Kane Farao otamore weyowa mondo waa, Ruoth Nyasaye nonego nyithindo makayo duto, mag dhano gi mag jamni, e piny Misri. Mano emomiyo watimo ni Nyasaye misango gi nyithind jamni machwo makayo duto, to wawaro nyithindwa makayo kwachiwo gik moko kargi.

Wuok 13:2

“Nyathi ka nyathi makayo nyaka walna, nikech dhano kata chiayo mokwong nywol e Israel en mara.”

Wuok 22:29

“Kik utamru miya chiwo moa kuom chambu, kata kuom divai, kata kuom mo. Yawuotu makayo bende nyaka umiya,

Wuok 34:20

To ngima kanyna makayo unyalo waro gi nyarombo, to ka ok udwar ware, to nyaka tur ng’ute. Ng’ato ka ng’ato nyaka war ngima wuode makayo, kendo onge ng’at ma nobi ira gi lwete nono.

Kwan 18:16

Ka gisetieko due achiel, to nyaka wargi gi shekel abich abich, mopim gi rapim mitiyogo e tich Nyasaye (shekel achiel oromo gera piero ariyo.)

Kwan 3:13

nimar nyithindo duto makayo gin maga. Chieng’ mane anego nyithindo duto makayo e piny Misri ne awalo nyithind Israel makayo duto obed maga, bed ni gin mag dhano kata mag le. Gin maga. An e Ruoth Nyasaye.”

Kwan 3:46

To jo-Israel machwo makayo ng’eny moloyo jo-Lawi gi ji mia ariyo kod piero abiriyo gadek,

Rapar mar Chik 15:19

“Waluru kach jambu machwo duto ni Ruoth Nyasaye ma Nyasachu. Kik uket ruedhi ma jou okuongo nywolo e tich, bende kik ung’ad yie imbe ma rombu okuongo nywolo,