Kwan 18:13 - MUMA MALER 2015

¹³ Olembe duto mokwong pon e pinyu, mokel ni Ruoth Nyasaye nobed mau. Ng’ato ang’ata ma e odi ma ok ogak nyalo chamogi.

Motingʼo Loko Manyien

¹³ Olembe mokwongo duto moa e puodho ma gikelone Jehova Nyasaye nobed mari. Ngʼato angʼata mantiere e odi mopwodhore maler nyalo chame.

Kwan 18:13 ပူးပေါင်းရင်းမြစ်များ

2 Ruodhi 4:42

Ng’at moro noa Baal-shalisha, mokelo ni ng’at Nyasaye cham manyien e gunia. Ne gin makati piero ariyo mag shairi, kod cham mawidhi. Elisha nowacho ni mondo omigi ji ochamgi.

2 Weche mag Ndalo 31:5

Kane wachni oselandore e piny, jo-Israel nochiwo cham ma gikwongo kayo, gi divai ma gikwongo loso, gi mor zeituni mokwongo nyak, gi mor kich, kod gik moko mag puodho, kendo ji mang’eny nokelo achiel kuom apar mag gik moko duto.

Wuok 22:29

“Kik utamru miya chiwo moa kuom chambu, kata kuom divai, kata kuom mo. Yawuotu makayo bende nyaka umiya,

Wuok 23:19

“Cham mabeyoe moloyo mukwongo kayo, nyaka ukel e Od Ruoth Nyasaye ma Nyasachu. “Kutedo nyadiel, to kik uolie cha min mare.

Wuok 34:26

“Cham mabeyoe moloyo mukwongo kayo nyaka ukel e Od Ruoth Nyasaye ma Nyasachu. “Kitedo nyadiel, to kik uolie cha min.”

Jeremia 24:2

Atonga achiel noting’o ng’owo mabeyo machiek atamalo, to atonga machielo noting’o ng’owo maricho ma ok nyal cham.

Ezekiel 44:30

Gin ema giniyud cham mabeyo duto mokwongo chiek mochiwna. E kinde ka kinde ma ji otedo makati, to ginimi jodolo makati mokwong tedi kaka chiwo mondo oguedh miechgi.

Hosea 9:10

Ruoth Nyasaye wacho niya, “Kane akuongo yudo Israel, to yudogino ne chal mana gi yudo mzabibu ma e thim. Ee, kane akwongo neno kwereu, nenogino ne chal mana gi neno ng’owo mochiek atamalo. To kane gibiro Baal-peor, ne gichako lamo kido manono makuodo wich, omiyo ne amon kodgi mana kaka ne amon gi kido manono mane giherono.

Tim jo-Lawi 22:7

Ka chieng’ osepodho to nobed maler, eka bang’ mano onyalo chamo chiwo malergo, nikech gin chiembe.

Tim jo-Lawi 23:17

Nyaka ukel makati ariyo mugolo e miechu kaka mich moyiedhi. Nyaka losgi gi mogo mayom moromo kilo abiriyo moketie thowi, kendo nyaka chiwgi ni Ruoth Nyasaye ka chamb agwela.

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Rapar mar Chik 18:4

Bende nyaka umigi cham mukwongo kayo gi divai mukwongo loso, gi mor zeituni mokwongo nyak, kaachiel gi yie rombu mukwongo ng’ado,

Rapar mar Chik 26:2

to nyaka ng’ato ka ng’ato kaw gik moko duto mokwongo nyak e pinyno, kendo ket e atonga, mi dhigo kama Ruoth Nyasaye ma Nyasachu biro yiero mondo nyinge obedie.