Kwan 18:10 - MUMA MALER 2015

¹⁰ Unuchame kaluwore gi chik mar chamo gik maler moloyo, kendo ng’ato ang’ata kuomu ma dichwo nyalo chame. Enobednu gima ler.

Motingʼo Loko Manyien

¹⁰ Chame kaka gima ler moloyo; chwo duto nochame. Nyaka ikawe kaka gima ler.

Kwan 18:10 ပူးပေါင်းရင်းမြစ်များ

Ezekiel 42:13

Ng’atno nowachona niya, “Udi ariyogi duto owal ni tich Nyasaye. E igi ema nyaka jodolo matiyo e nyim Ruoth Nyasaye chamie misengni malerie moloyo. Jodolo noket misengni malerie moloyo, kaka misegni mag cham, kod misengni mag golo richo, kod mago mipwodhogo ketho mar gowi, ei udigo, nikech gin kuonde mowal ni tich Nyasaye.

Tim jo-Lawi 10:13

Mano emomiyo nyaka uchame Kama Ler, nimar en pokni kaachiel gi yawuoti. Pok onogo ogol kuom misengni miwang’o ni Ruoth Nyasaye nikech kamano e kaka nochika.

Tim jo-Lawi 10:17

“Marang’o ne ok uchamo misango mar golo richo Kama Ler, to en misango maler moloyo? Ne omiugo mondo ugolgo richo mar oganda jo-Israel kupwodhogi kuom richogi e nyim Ruoth Nyasaye.

Tim jo-Lawi 14:13

Imno nyaka yang’ ei Kama Ler miyang’oe jamni mitimogo misengni mag golo richo kod misengni miwang’o pep, nimar misango mipwodhogo ketho mar gowi dong’ ni jadolo mana kaka misango mar golo richo. En gima ler moloyo.

Tim jo-Lawi 21:22

Kaka orang’ol kamano, kik osud machiegni mondo ochiw chiemo ni Nyasache. Onyalo chamo chiemb Nyasache, bed ni ogol chiemo kuom gik maler kata kuom gik maler moloyo.

Tim jo-Lawi 6:16

To modong’, Harun gi yawuote nocham, maonge thowi, e laru mar Hemb Romo, ma en kama oyang ni Ruoth Nyasaye.

Tim jo-Lawi 6:18

Joka Harun duto machwo nyalo chame ka migapgi kuom misengni mowang’ ni Ruoth Nyasaye. Mano en chik mochwere kuom tiengeu duto. Gimoro amora mogere kuom misengnigo nodok mowal ni Ruoth Nyasaye.

Tim jo-Lawi 6:26

Jadolo motimo misangono ema nochame e laru mar Hemb Romo ma en kama oyang ni Ruoth Nyasaye.

Tim jo-Lawi 6:29

Ng’ato ang’ata ma dichwo ma jaodgi jadolo nyalo chamo misangono. En gima ler moloyo.

Tim jo-Lawi 7:6

Ng’ato ka ng’ato ma dichwo ma jaodgi jodolo nyalo chame, to nyaka chame kama owal ni Ruoth Nyasaye, nikech en gima ler moloyo.

Kwan 18:11

“Gik ma jo-Israel chiwo ka mich moyiedhi bende nobed mau. Achiwonugi kaachiel gi yawuoti kod nyigi, kaluwore gi chik mochwere. Ng’ato ang’ata mae odi ma ok ogak nyalo chamogi.

Kwan 18:9

Gima ogol kuom chiwo moro amora maler moloyo, ma ok owang’ e kendo-mar-misango, nobed mari gi nyikwayi, bed ni en misango mar cham, kata mar golo richo, kata mipwodhogo ketho mar gowi, mochiwna ka mich maler moloyo.