Kwan 17:10 - MUMA MALER 2015

¹⁰ Ruoth Nyasaye nowacho ni Musa niya, “Dwok ludh Harun e nyim Sandug Rapar, obed ranyisi ma siemo joma wigi tek duto, mondo owe ywakna chuth, eka ok ginitho.”

Motingʼo Loko Manyien

¹⁰ Jehova Nyasaye nowacho ne Musa niya, “Dwok odunga mar Harun e nyim Sandug Rapar, mondo kane kaka ranyisi ne joma ongʼanyo. Mano biro tieko chuth kitgi mar ngʼur koda, mondo omi kik githo.”

Kwan 17:10 ပူးပေါင်းရင်းမြစ်များ

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Wuok 16:32

Musa nowacho niya, “Ruoth Nyasaye ochiko kama: ‘Kawuru manna moromo ondweto achiel, ukan ni nyikwau, mondo chieng’ moro gine chiemo mane amiyou mondo ucham e thim, kane agolou Misri.’ ”

Wuok 16:34

Omiyo Harun nokawe, mokete e nyim Sandug Muma, mondo okane kaka Ruoth Nyasaye nochiko Musa.

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Hosea 10:9

Ruoth Nyasaye wacho niya, “Jo-Israel pok oweyo timo richo e nyima chakre ndalo mane gitimoe richo Gibea. Kuom mano, lweny biro jukogi Gibea!

Kwan 14:5

Musa gi Harun ne jopodho piny mana e nyim oganda jo-Israel,

Kwan 16:21

“Chung’uru mabor gi ogandani mondo atiekgi dichiel ka diemo wang’!”

Kwan 16:38

Adier, tewni mag joma timo richo, mi oyudo kum mar tho ler, nikech osechiwgi e nyim Ruoth Nyasaye. Omiyo nyaka uthedhgi mopamore mondo oumgo kendo mar misango. Ginibed rapar ni jo-Israel.”

Kwan 16:40

mondo obed rapar ni jo-Israel ni ng’ato ang’ata ma ok jadolo, kendo ma ok jaka Harun kik wang’ ubani ni Ruoth Nyasaye, nono to otho mana kaka Korah kod joge. Mago duto notimore mana kaka Ruoth Nyasaye nomiyo Musa ochiko Eleazar.

Kwan 17:11

Musa notimo mana kaka Ruoth Nyasaye nochike.

Kwan 17:4

Eka iketgi duto e Hema e nyim Sandug Rapar, kama aromoe kodu,

Kwan 17:9

Eka Musa nogolo ludhego oko, monyiso jo-Israel duto. Ne ginenogi gi wang’gi, kendo jatelo ka jatelo nokawo mare.

Kwan 20:9

Musa nokawo ludhno e nyim Ruoth Nyasaye, mowuokgo kaka Ruoth Nyasaye nosechike.

Kwan 4:18

“Kik uwe dhood joka Kohath rum mi lal kuom jo-Lawi wetegi,

1 Jo-Korintho 10:10

Kata kik ung’ur kaka jomoko kuomgi nong’ur, mi Malaika ma Janek onego.

Jo-Efeso 5:6

Kik uwe ng’ato wuondu gi weche manono, nikech gik ma kamago ema miyo Nyasaye olo mirimbe kuom joma tamore winjo wachne.

Rapar mar Chik 9:24

Usebedo kudagi Ruoth Nyasaye chakre chieng’ mokwongo mane ang’eyoue.

Rapar mar Chik 9:7

“Paruru ma wiu ok owil kaka numiyo Ruoth Nyasaye ma Nyasachu mirima e thim, chakre chieng’ mane uwuokie Misri nyaka chieng’ mane uchopoe ka, usebedo kutamoru winjo Ruoth Nyasaye.

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.

1 Samuel 2:12

To yawuot Eli ne joma acheje, ma ok dew Ruoth Nyasaye.

1 Samuel 30:22

To jomoko maricho, kod joma acheje mane ni kuom joma nodhi gi Daudi, nowacho niya, “Jogi ne ok odhi kodwa, omiyo kik wapognigi gimoro kuom gik mane ope ma wasereso, mak mana ni ng’ato ka ng’ato mondo oyud chiege gi nyithinde, odhigo.”