Kwan 16:5 - MUMA MALER 2015

⁵ Bang’e nowacho ni Korah gi joge niya, “Kiny gokinyi Ruoth Nyasaye nohul ng’at ma ng’ate adier, kod ng’at mowalne, kendo monego timne misengni. Ng’at ma Ruoth Nyasaye oyiero ema notim misengni ni Ruoth Nyasaye.

Motingʼo Loko Manyien

⁵ Eka nowacho ne Kora kod jolupne duto niya, “Kochopo gokinyi Jehova Nyasaye noyier joma oyie kuome kendo maler, kendo norwak ngʼatno obi bute.

Kwan 16:5 ပူးပေါင်းရင်းမြစ်များ

Zaburi 105:26

Bang’e ne ooro jatichne Musa, kod Harun mane oseyiero.

Zaburi 115:10

Un jodolo ma nyikwa Harun, genuru kuom Ruoth Nyasaye, nimar en ema okonyou, kendo oritou.

Zaburi 65:4

Joma iyiero mondo obi odag e odi maler gin johawi. Gik mabeyo manie odi biro romowa. Gin gik moguedhi mag Hekalu magi maler.

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Wuok 28:41

Gigi imi Harun owadu gi yawuote, eka iwirgi gi mo, kendo iwalgi mondo gibed jodolona.

Wuok 28:43

Harun gi yawuote nyaka rwakgi ka gidonjo e Hemb Romo, kata ka gidhi e kendo-mar-misango mondo giti tich dolo. Kamano ok ginikethi, kendo ok ginitho. Chikni omako Harun gi nyikwaye nyaka chieng’.

Jeremia 30:21

Ruodhgi nobed mana ng’atgi giwegi. Ee, jatendgi nowuog mana kuomgi. Ka aluonge, to nobi buta machiegni, nikech onge ng’ama dihedhre sudo machiegni ka ok aluonge.

Jeremia 49:19

Anabi mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Edom mwomre gi ng’uech kaa. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda? En ruoth mane ma dikwer wachna?

Jeremia 50:44

“An Ruoth Nyasaye abiro biro mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Babulon mwomre gi ng’uech kawuok e dalagi. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda. Jatelo mane ma dikwer wachna?

Ezekiel 40:46

to ot mochomo yo nyandwatno en mar jodolo matiyo e kendo-mar-misango. Jodologo duto nyaka bed jo-Lawi ma nyikwa Zadok. Gin kende ema oyienigi dhiyoe nyim Ruoth Nyasaye mondo gitine.”

Ezekiel 43:19

Jodolo ma jo-Lawi ma nyikwa Zadok kende ema nyaka bi e nyima mondo otina. An Ruoth Nyasaye ema agolo chikno. “Nyaka imigi nyarwath mondo gitimgo misango mar golo richo.

Ezekiel 45:4

kendo mondo jodolo matiyo ni Ruoth Nyasaye e Hekalu odagie. Utegi nobed kanyo kaachiel gi Kama Ler mogerie Hekaluno nobed mita mia ariyo gi piero abich maromre, kaachiel gi kama odong’ nono molwore ma lachne mita piero ariyo gabich.

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Tim jo-Lawi 8:2

“Kaw Harun gi yawuote kendo kaw lep dolo gi mor wir gi rwath mitimogo misango mar golo richo gi imbe ariyo kod odheru moting’o makati ma ok ketie thowi,

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Kwan 16:6

To in Korah, gima nyaka utim kaachiel gi jogi duto e ma: Kiny ukaw tepe ubani,

Kwan 17:5

kendo ng’at ma ludhe oloth e ng’at ma ayiero. Mano e kaka abiro tieko ng’ur ma jo-Israel ng’urnigo.”

Kwan 17:8

Kinyne ka ne odonjo e Hema, noyudo ka ludh Harun, ma ludh dhood Lawi, ema oloth. Adier, noloth mogolo ite kod thiepe, kendo onyago olembe!

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Tich Joote 1:2

nyaka chop chieng’ mane otere malo e polo. Kane pok otere malo, to nogolo chik kuom teko mar Roho Maler ni joote mane oseyiero.

Tich Joote 1:24

Bang’ mano ne gilemo niya, “A Ruoth, in ema ing’eyo chuny ji duto, Nyiswa jal miseyiero kuom ji ariyogi,

Tich Joote 13:2

To kane oyudo gilamo Ruoth, kendo gitueyo chiemo, Roho Maler nowacho nigi niya, “Walnauru Barnaba gi Saulo oti tich ma aseluongogi mondo giti.”

Tich Joote 15:7

Kane gisewuoyo aming’a, Petro nochung’ mowacho niya, “Owetewa, ung’eyo ni chon Nyasaye noyiera kuomu mondo aland Wach Maber ni joma ok jo-Yahudi mondo giwinji kendo giyie kuom Yesu.

Tich Joote 22:14

Eka ne owachona niya, ‘Nyasaye ma Nyasach kwerewa oseyieri mondo ing’e gima odwaro, kendo ine Jatichne Makare kendo iwinj dwonde owuon kowuoyo kodi.

Jo-Efeso 2:13

To koro kuom Kristo Yesu, un ma yande un mabor, osekelu machiegni kuom tho mar Kristo.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

1 Samuel 2:28

Ne ayiere kuom dhout Israel duto mondo obed jadolona, kendo odhi e kendona-mar-misango, otim misengni, kendo orwakre gi law dolo miluongo ni efod e nyima. Namiyo dhoodu misengni duto miwang’o ma jo-Isarel chiwo.