Kwan 16:46 - MUMA MALER 2015

⁴⁶ Eka Musa nowacho ni Harun niya, “Kaw tapi mar ubani iketie mach moa e kendo-mar-misango, kendo iolie ubani, mi idhi kode piyopiyo ir oganda mondo ipwodhnigi richogi. Mirima mager mar Ruoth Nyasaye osechopo, kendo tho osechako nego ji.”

Motingʼo Loko Manyien

⁴⁶ Eka Musa nowacho ne Harun niya, “Kaw tawo mar ubani mari kendo iket gima dungʼ tik mangʼwe ngʼar e iye, kaachiel gi mach moa e kendo mar misango, kendo iret idhi e chokruokno mondo itimnegi misango mar pwodhruok e richo. Mirima osebiro koa ir Jehova Nyasaye; masiche osechakore.”

Kwan 16:46 ပူးပေါင်းရင်းမြစ်များ

1 Weche mag Ndalo 27:24

Joab wuod Zeruya nochako kweno, to ne ok otieko. Kwenono nokelo mirimb Nyasaye kuom jo-Israel, omiyo ne ok ondik kar rombgi e Kitap Weche mag Ndalo mag loch ruoth Daudi.

Zaburi 106:29

Timbegigo nomiyo Nyasaye mirima, mi tho marach ogoyogi.

Zaburi 141:2

Lemona mondo obedni ka ubani miwang’o e nyimi, kendo bedena mating’o malo mondo obedni ka misango mar odhiambo.

Tim jo-Lawi 10:6

Bang’e Musa nowacho ni Harun kod yawuote ma Eleazar gi Ithamar niya, “Kik uwe wiu yugno, kendo kik uyiech lepu, manyiso ni uywak, nimar dipo ka utho, mi Ruoth Nyasaye okecho gi oganda duto. Joweteu ma jo-Israel nyalo ywago joma ne Ruoth Nyasaye otieko gi mach.

Tim jo-Lawi 9:24

Mach nomwuoch e nyim Ruoth Nyasaye, mowang’o misango miwang’o pep, kaachiel gi boche mane nie kendo-mar-misango. Kane ji duto oneno kamano, ne gikok, mi gipodho piny auma.

Habakuk 3:5

Tho malich otelo e nyime, to dera luwo bang’e.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 11:33

To Ruoth Nyasaye nokecho kodgi, mi ogoyogi gi tho marach mana ka koro eka gichako kayo ring alurugo kendo pok gimwonyo.

Kwan 18:5

To un uwegi unubed kutiyo tije mag Kama Ler, kod tich dolo e kendo-mar-misango, mondo mirima mager mar Ruoth Nyasaye kik bi kuom jo-Israel kendo.

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Kwan 25:8

kendo odonjogo e ot ma iye, kodwaro ja-Israelno. Nochwowe gi tong’ moriwe kaachiel gi nyakono. Eka tho mane oyudo ogoyo jo-Israel orumo.

Kwan 8:19

Aseketo jo-Lawi e lwet Harun gi yawuote, ka joma owal kuom jo-Israel mondo oti tich lemo ni jo-Israel e Hemb Romo kendo opwodhnigi richogi, mondo kik jo-Israel tho ka sudo machiegni gi Kama Ler.”

Rapar mar Chik 9:22

“Bende numiyo Ruoth Nyasaye mirima ka un Tabera gi Masa kod Kibroth-hataava,