Kwan 16:35 - MUMA MALER 2015

³⁵ Ruoth Nyasaye nooro mach mowang’o ji mia ariyo gi piero abich mane oyudo wang’o ubani kande.

Motingʼo Loko Manyien

³⁵ Kendo mach nowuok koa kuom Jehova Nyasaye mi owangʼo ji mia ariyo gi piero abich mane oyudo chiwo misango mangʼwe ngʼar.

Kwan 16:35 ပူးပေါင်းရင်းမြစ်များ

Zaburi 106:18

Mach ne omwoch kuom joma ne luwogi, mi owang’o joma richogo pep.

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Ezekiel 8:11

Jodong Israel piero abiriyo ne ni kanyo, ka Jaazania wuod Shafan nie diergi. Moro ka moro noting’o gima iwang’oe ubani, ka ubani dum iro.

Tim jo-Lawi 10:2

Mi mach nomwoch e nyim Ruoth Nyasaye, motiekogi pep. Kamano ne githo kanyo e nyim Ruoth Nyasaye.

Kwan 14:37

tho nonego e nyim Ruoth Nyasaye nikech ne gikelo wach marach.

Kwan 16:17

Ng’ato ka ng’ato kuomu nyaka kaw tap mach, kendo oketie ubani. Eka inikel jogi kaachiel gi tepegi mia ariyo gi piero abich e nyim Ruoth Nyasaye kendo un gi Harun bende nyaka ukel tepeu.”

Kwan 16:2

ne jotamore bet e bwo Musa, kendo jo-Israel mia ariyo gi piero abich ma jotend oganda kendo ma joma ogen bende ne ni kodgi e wachno.

Kwan 16:34

Ne giywak, mi jo-Israel duto mane ni machiegni kanyo, oringo ka kok niya, “Neyeuru kaka piny biro mwonyowa!”

Kwan 16:36

Bang’e Ruoth Nyasaye nowacho ni Musa niya,

Kwan 16:49

To ji alufu apar gang’wen gi mia aboro notho, ka ok kwan joma ne otho nikech ketho mar Korah.

Kwan 26:10

Bang’e piny nong’amo dhoge, mi omwonyogi kaachiel gi Korah, mi ogandagi norumo, kendo mach nowang’o ji mia ariyo gi piero abich kande. Ne gidoko ranyisi ma siemo ji.

Kwan 3:4

To Nadab gi Abihu notho e nyim Ruoth Nyasaye, nikech ne giwang’o ubani ma ok ni kare e nyim Ruoth Nyasaye e thim Sinai. Ne githo ka pok ginywolo nyithindo, omiyo Eleazer gi Ithamar ne jokawo tij dolo ka wuon gi pod ngima.

Fweny 11:5

Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.