Kwan 16:33 - MUMA MALER 2015

³³ Ne gidhi e bur ka gingima, mi lowo oumogi kod mwandugi duto, kendo gidwono nono kuom oganda jo-Israel.

Motingʼo Loko Manyien

³³ Negidhi e bur kagingima mi lowo uomogi kod mwandugi kendo negilal nono ei oganda Israel.

Kwan 16:33 ပူးပေါင်းရင်းမြစ်များ

Zaburi 141:7

Chokegi noke e dho bur liel, mana ka agulu motore, mi ong’inyore matindo tindo.

Zaburi 143:7

Dwoka sani, A Ruoth Nyasaye, nimar genona duto oserumo. Kik ipandna wang’i, nono to abedo e kanyakla mar jogo madhi e piny joma otho.

Zaburi 55:15

Onego wasika yud tho apoya, mi gidhi e piny joma otho ka pod gingima! Richo opong’o miechgi kod chunygi.

Zaburi 55:16

To an akwayo Ruoth Nyasaye mondo okonya, kendo ang’eyo ni obiro resa.

Zaburi 55:23

Jonek gi jomriambo ok nodag aming’a. In Nyasaye ibiro wito jogo e bur matut. An to abiro geno kuomi.

Zaburi 69:15

Kik iwe ohula ywoya, kendo kik iwe anim e kut, kata kik iwe bur liel mwonya.

Zaburi 9:15

Ogendini ma ok ong’eyo Nyasaye osekunyo bur monyumoree. Ee, gisechiko obadho, mi gin giwegi ema gimokoe.

Isaya 14:15

To kata obedo ni iparo kamano, to ibiro boli piny kuma tut mogik e piny joma otho.

Isaya 14:9

Piny joma otho otuk duto mondo oromni kidonjo kuno. Adier, joma ne osetho ochiew mondo oromni, koda ka mago, mane osebedo jotelo e piny ka. Ee, jogo duto mane osebedo ruodhi mag pinje a malo e kombegi.

Isaya 38:18

Piny joma otho ok nyal goyoni erokamano! Adier, joma otho ok nyal paki. Chutho, joma osedhi e bur ok nyal geno adiera mari.

Ezekiel 31:14

Kuom mano onge yath moro kata bed ni oyudo pi mang’eny manade, ma nochak odong mabor mi wiye tund e polo kamano. Giduto nyaka githo mana kaka dhano tho, mi gidhi e Piny Joma Otho.”

Ezekiel 32:18

“Wuod dhano, ywag jo-Misri, ma oganda maduong’. Witgi e Piny Joma Otho mondo gibed kuno gi ogendini mamoko marateke,

Ezekiel 32:30

“Jotelo duto mag ogendini modak yo nyandwat ni kuro, kaachiel gi jo-Sidon. Chon ne gin joma rateke ma bwogo ji, tinde to gisedonjo e Piny Joma Otho gi wichkuot ka ok otergi nyangu mi giriere kuno gi joma onegi e lweny. Gin bende gin gi wichkuot mana ka ji mamoko madhi e Piny joma Otho.”

Kwan 16:32

kong’amo dhoge momwonyogi gi hembegi kod ji duto mane luwo Korah, kaachiel gi mwandugi duto.

Kwan 16:34

Ne giywak, mi jo-Israel duto mane ni machiegni kanyo, oringo ka kok niya, “Neyeuru kaka piny biro mwonyowa!”

Kwan 22:33

to ka kanji nende onena didek, mobaro oa e yo. To ka da bed ni ok obaro, to dikoro asenegi, mi aweye odhi.”

Kwan 26:11

To kata kamano jo-Korah ne ok otho duto.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.