Kwan 16:30 - MUMA MALER 2015

³⁰ To ka Ruoth Nyasaye otimo hono, mi bur obarore matut, kendo piny ong’amo dhoge momwonyogi kaachiel gi mwandugi duto, mi gidhi e bur ka gingima, eka unung’e ni ne gichayo Ruoth Nyasaye.”

Motingʼo Loko Manyien

³⁰ To ka Jehova Nyasaye okelo gima nyien mopogore gi mago duto mapile, kendo ma piny oyawo dhoge mi omwonyogi, gi gik moko duto ma mekgi, kendo ma gidhi ei bur ka gingima, eka unungʼe ni jogi osewuotho e nyim Jehova Nyasaye gi achaya.”

Kwan 16:30 ပူးပေါင်းရင်းမြစ်များ

Ayub 31:2

Ere gima Nyasaye Manyalo Gik Moko Duto orito timo ni dhano, kendo ere pok morito chulogo timbewa?

Ayub 31:3

Donge chandruok gi masira ema orito joma timbegi richo?

Zaburi 124:3

to dine gimwonyowa kwangima, ka mirima mager ohewogi kodwa!

Zaburi 55:15

Onego wasika yud tho apoya, mi gidhi e piny joma otho ka pod gingima! Richo opong’o miechgi kod chunygi.

Isaya 28:21

Ruoth Nyasaye biro a malo gi mirima, kaka ne oa malo e got Perazim, kendo kaka ne otimo e holo mar Gibeon, mondo oti tije magalagala ma osechano timo, ma ji ok par ni onyalo timo.

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Isaya 45:12

An ema ne achueyo piny, mi aketoe dhano. Ne ayaro polo gi lweta awuon, mi achiko gik moko duto mantie mondo oliel.

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Ezekiel 31:14

Kuom mano onge yath moro kata bed ni oyudo pi mang’eny manade, ma nochak odong mabor mi wiye tund e polo kamano. Giduto nyaka githo mana kaka dhano tho, mi gidhi e Piny Joma Otho.”

Kwan 16:31

Kane dho Musa pok olwar, lowo mane jogo ochung’ie nobarore,

Kwan 16:33

Ne gidhi e bur ka gingima, mi lowo oumogi kod mwandugi duto, kendo gidwono nono kuom oganda jo-Israel.