Kwan 16:28 - MUMA MALER 2015

²⁸ Musa nowacho nigi niya, “Ubiro ng’eyo ni Ruoth Nyasaye ema noora mondo atim gigi duto, to ok ni aketora awuon.

Motingʼo Loko Manyien

²⁸ Eka Musa nowacho niya, “Ma e kaka ubiro ngʼeyo ni Jehova Nyasaye ema noora mondo atim gigi duto kendo ni ne ok en pacha awuon:

Kwan 16:28 ပူးပေါင်းရင်းမြစ်များ

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 4:12

Emomiyo koro dhiyo! Anakonyi wuoyo, kendo ananyisi gima onego iwachi.”

Wuok 4:15

En ema iwuo kode, kinyise gima onego owachi. Abiro konyou wuoyo, kendo nyisou gima onego utim.

Wuok 7:9

“Kapo ni Farao owachonu ni mondo utimne ranyisi moro, to in Musa mondo iwachni Harun kama: ‘Bol ludhi piny e nyim Farao mondo olokre thuol.’ ”

Jeremia 23:16

Ruoth Nyasaye Manyalo Gik Moko Duto wacho ji jo-Jerusalem niya, “Kik uwinj gima jonabi wachonu, nikech gimiyo ugeno kuom gik ma ok bi timore. Ginyisou gik ma giparo apara giwegi, to ok gik ma an ema awacho.

Ezekiel 13:17

Ruoth Nyasaye nomedo wachona niya, “In wuod dhano, neye nyiu makoro weche mag miriambo. Kwed gima gitimono,

Zekaria 2:9

“Abiro goyogi, mi uyakgi, un joma ne tiyonigi.” Kamano unung’e ni Ruoth Nyasaye Manyalo Gik Moko Duto ema ne oora.

Zekaria 4:9

“Kaka Zerubabel ema oseketo mise mar Hekalu, e kaka en bende ema obiro tieke. Kamano unung’e ni Ruoth Nyasaye Manyalo Gik Moko Duto ema ne oora iru.

Kwan 24:13

ni kata dibed ni Balak dwaro miya fedha kod dhahabu duto manie ode, to ok anyal chayo chik Ruoth Nyasaye, ka atimo dwarona awuon, bed ni en gima ber kata gima rach, to abiro wacho mana gima Ruoth Nyasaye onyisa.

Johana 11:42

An ang’eyo ni iwinja ndalo duto, to asewacho wechegi mondo oganda mochung’ ka ong’e ni in ema niora.”

Johana 14:11

Yieuru koda ni an ei Wuora, kendo Wuora ni e iya. To ka ok unyal yie wechena, to yieuru nikech tijenego.

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

Johana 5:36

Adier, Johana nowuoyo kuoma kanyiso ni Wuora noora, to koro tich ma atiyo, mane Wuoro omiya mondo ati, nyiso malong’o ni Wuoro noora, moloyo kaka ne Johana onyiso.

Johana 6:38

nikech ok aselor aa e polo mondo atim gik ma Jal mane oora dwaro.

Rapar mar Chik 18:22

Ka janabi owacho wach moro e nying Ruoth Nyasaye to bang’e wachno ok ochopo kare, mano nyiso ni ok en wach Ruoth Nyasaye, to osewuoyo mana gi tekone owuon. Omiyo kik umiye duong’.