Kwan 16:11 - MUMA MALER 2015

¹¹ Mano emomiyo in kaachiel gi jogi duto useriworu ka ukwedo Ruoth Nyasaye. Uparo ni Harun nigi teko manade, ma omiyo onego uywagne kamano?”

Motingʼo Loko Manyien

¹¹ Un kaachiel gi joma luwou duto usengʼanyo ni Jehova Nyasaye. Harun to en ngʼa ma ungʼurne?”

Kwan 16:11 ပူးပေါင်းရင်းမြစ်များ

1 Weche mag Ndalo 26:19

Mago ne e migepe mag joka Kora gi joka Merari mane rito rangeye.

Zaburi 106:16

Kane pod gin e thim, nyiego ne omakogi gi Musa, kendo gi Harun, jatich mowal ni Ruoth Nyasaye.

Wuok 17:2

Mano nomiyo ji odhaw gi Musa, ka giwachone niya, “Miwa pi wamodhi!” Musa nodwokogi ni, “Marang’o udhaw koda? Ang’o momiyo utemo Ruoth Nyasaye?”

Kwan 11:1

E kinde moro jo-Israel noywak ni Ruoth Nyasaye kuom thagruokgi. Ruoth Nyasaye ne okecho kowinjo wechegigo, mi mach moa kuome nomuoch kuomgi, kendo oketho bath kambi konchiel.

Kwan 16:12

Musa nooro wach mondo oluongne Dathan gi Abiram ma yawuot Eliab, to ne gidwoko niya, “Ok wabi.

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Johana 13:20

Adier, awachonu ni ng’at morwako ng’at ma aoro, to orwako mana an, kendo ng’at morwaka, to orwako mana Jal mane oora.”

Tich Joote 5:4

Ka ne pok ing’iewo puodhono, donge ne en mari? Koso kane iseng’iewe, to donge pesa ne meki, minyalo timogo gimoro amora mihero? Koro ere gima ne omiyo iparo mondo itim gima kama? Dhano ok ema iseriambone, to iseriambo mana ni Nyasaye!”

Jo-Rumi 13:2

Omiyo ng’ama tamore winjo wach joma nie loch to tamore winjo mana gima Nyasaye ema oketo. Ng’ato ang’ata matimo kamano nokel kum kuome owuon,

1 Jo-Korintho 10:10

Kata kik ung’ur kaka jomoko kuomgi nong’ur, mi Malaika ma Janek onego.

1 Jo-Korintho 3:5

Un uparo ni Apolo en ng’a? Koso Paulo to ng’a? Donge wan mana jotich Nyasaye mane omiyo uyie kuom Kristo? Ng’ato ka ng’ato kuomwa tiyo tich mane Ruoth omiye mondo oti.

Juda 1:16

Jogi gin joma keko akeka, kendo ng’ur ang’ura. Giluwo mana gombo mag ringregi giwegi, bende gisungore marach, kendo giwuondo ji gi weche mamit mondo giyud gik ma gidwaro.

1 Samuel 8:7

to Ruoth Nyasaye nowachone niya, “Winj gima ji wachoni. Ok in ema gidagi, to an ema gisedaga, ni kik abed ruodhgi.