Kwan 15:9 - MUMA MALER 2015

⁹ to nyaka uchiw bende mogo moromo kilo apar moruw gi mo moromo lita ang’wen, mondo otimgo misango mar cham,

Motingʼo Loko Manyien

⁹ to ukel rwath kaachiel gi chiwo mar cham maromo kilo ariyo mar mogo mayom moru gi nus mar lita mar mo.

Kwan 15:9 ပူးပေါင်းရင်းမြစ်များ

1 Weche mag Ndalo 21:23

Ornan nodwoko Daudi niya, “Ruodha, kawe, kendo itim kode gima idwaro. To bende ruedhi minyalo timogo misango, kod yien mag dino minyalo chwako, kaachiel gi ngano minyalo timogo misango mar mogo, eki amiyi duto!”

Nehemia 10:33

mibiro ng’iewogo makati miketo e nyim Nyasaye pile, gi misango mar cham mitimo pile, gi misengni miwang’o pep, kod misengni mamoko mitimo chieng’ Sabato gi ndalo ma due opor, kod ndalo sewni, kendo ni tich misengni mamoko gi misengni migologo richo mag jo-Israel, kendo ni tich duto mag Od Nyasachwa.

Ezekiel 42:13

Ng’atno nowachona niya, “Udi ariyogi duto owal ni tich Nyasaye. E igi ema nyaka jodolo matiyo e nyim Ruoth Nyasaye chamie misengni malerie moloyo. Jodolo noket misengni malerie moloyo, kaka misegni mag cham, kod misengni mag golo richo, kod mago mipwodhogo ketho mar gowi, ei udigo, nikech gin kuonde mowal ni tich Nyasaye.

Ezekiel 46:11

E ndalo mag sewni to misango mar cham nyaka bed debe achiel kuom rwath ka rwath, kata kuom im ka im, to kuom nyarombo ka nyarombo, jalemo nyalo chiwoe cham mang’eny kaka en ema ohero. Kuom debe ka debe mar cham to nyaka chiwie mor zeituni moromo lita ang’wen.

Ezekiel 46:15

Nyarombo gi mogo kod mor zeitunigo nyaka chiw ni Ruoth Nyasaye okinyi kokinyi nyaka chieng’.”

Ezekiel 46:5

Im ka im nyaka okel gi cham moromo debe achiel, obed misango mar cham mitimego, to kuom nyarombo ka nyarombo onyalo chiwoe cham mang’eny kaka en ema ohero. To kuom debe ka debe mar misango mar cham nyaka ochiwe mor zeituni moromo lita ang’wen.

Ezekiel 46:7

Misango mar cham nyaka bed moromo debe achiel kuom rwath ka rwath gi im ka im, to kuom nyarombo ka nyarombo, onyalo chiwoe cham mang’eny kaka en ema ohero. Kuom debe ka debe mar cham to nyaka ochiw mor zeituni moromo lita ang’wen.

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Tim jo-Lawi 14:10

Chieng’ mar aboro nyaka okel imbe ariyo ma hikgi achiel achiel, kod rombo ma swini ma bende hike achiel. Jamnigo duto nyaka bed maonge songa. Bende nokel mogo moromo kilo apar moruw gi mo, mondo otimgo misango mar cham, kaachiel gi mo moromo nus lita.

Tim jo-Lawi 6:14

“To ma e chik mar misango mar cham: Joka Harun nochiwe e nyim Ruoth Nyasaye e dho kendo-mar-misango.

Tim jo-Lawi 7:37

“Mago e chike mag misango miwang’o pep, gi mag misango mar cham, gi mag misango mar golo richo, gi mag misango mipwodhogo ketho mar gowi, gi mag misengni mitimo chieng’ miketo jadolo e tich, kod mag misengni mag sawo.

Kwan 15:10

kod divai moromo lita ang’wen mondo otimgo misango miolo piny. Gigo duto nobed misango miwang’o mondo odum tik mamit ni Ruoth Nyasaye.

Kwan 15:8

“To ka nyarwath ema utimogo ni Ruoth Nyasaye misango miwang’o pep, kata misango michopogo kuong’ruok, kata misango mar sawo,

Kwan 28:12

Misango mar cham michiwo gi nyarwath ka nyarwath nobed mogo moromo kilo apar moruw gi mo, to michiwo gi im nobed moromo kilo abiriyo,

Kwan 28:14

Misango miolo piny mitimo gi nyarwath ka nyarwath nobed divai moromo lita ang’wen, to michiwo gi im nobed lita ariyo, kendo michiwo gi nyaim ka nyaim, lita achiel. Mano en misango miwang’o pep ma nyaka tim due ka due e higa ngima.

Kwan 29:6

Mago duto nyaka utim kumedo ewi misango miwang’o pep mitimo due ka due, kendo mitimo pile, kaachiel gi misengni mag cham gi miolo piny, michiwogigo kaka chik dwaro. En misango miwang’o mondo odum tik mamit ni Ruoth Nyasaye.

1 Samuel 1:24

Kane nyathi oseweyo dhoth, nodhi kode Shilo gi rwath ma hike adek, gi mogo ma dirom depe ariyo, gi divai e ndede mar pien, modonjo e od Ruoth Nyasaye.