Kwan 15:39 - MUMA MALER 2015

³⁹ Kamano e kinde duto ma unenoe usi mominno, to nupar chike duto mag Ruoth Nyasaye mi unumakgi, kendo ok unuluw yore maricho ma wengeu gi chunyu nyalo teroue.

Motingʼo Loko Manyien

³⁹ Usi momin molier e riak lepugo nomi unupar chike duto mag Jehova Nyasaye, mondo omi uritgi ma ok uteroru gi gombo mag chunjeu kod wengeu uwegi.

Kwan 15:39 ပူးပေါင်းရင်းမြစ်များ

1 Ruodhi 12:33

Chieng’ due apar gabich, due mar aboro, due mane oseyiero, nosudo e dho kendo-mar-misango mane oseloso Bethel, motimo sawo ni jo-Israel kendo owang’o misango e kendono.

Ayub 31:7

Ka dipo ni aseweyo yo makare, mi richo oywaya, kata kapo ni richo omieno lweta,

Zaburi 106:39

Gin bende ne gidoko mogak gi timbegi modwanyorego, mi giweyo luwo Nyasaye.

Zaburi 73:27

Chutho, joma oweyi biro lal nono, kendo initiek jogo ma ok oyie kuomi.

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Ngeche 28:26

Ng’at mogeno kuom riekone owuon en ng’at mofuwo, to ng’at ma luwo puonj joma riek dhi nyime maber.

Ngeche 3:1

Wuoda, wiyi kik wil gi weche ma apuonji, to pile par gik ma anyisi mondo itim,

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Jeremia 9:14

Gisebedo mana ka wigi tek, ka gitimo dwarogi giwegi, kendo giselamo kido manono mag Baal, kaka ne kweregi opuonjogi.

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Hosea 2:2

“Nyithinda, wuoru gi meru! Donge en e chiega, to an e chwore? Wuouru kode mondo owe timbene mag terruok.

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 6:12

to kik wiu wil gi Ruoth Nyasaye mane ogolou e piny Misri, kuma ne ubedoe wasumbni.

Rapar mar Chik 8:11

“Kik wiu wil gi Ruoth Nyasaye ma Nyasachu, kendo kik uwe rito chikene gi buchene ma amiyou kawuononi.

Rapar mar Chik 8:14

to kik ubed josunga, mi wiu wil gi Ruoth Nyasaye ma Nyasachu mane ogolou Misri kuma nubedoe wasumbni,

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?