Kwan 15:29 - MUMA MALER 2015

²⁹ En chik achiel kende momako ng’at ma oketho ka ok ong’eyo, bed ni en japiny kata jadak.

Motingʼo Loko Manyien

²⁹ Chik achielno ema oket ne ngʼato angʼata motimo richo ka ok ongʼeyo, bed ni en jakanyo ma ja-Israel kata japiny moro.

Kwan 15:29 ပူးပေါင်းရင်းမြစ်များ

1 Ruodhi 8:41

“Ka ng’ama wendo ma ok achiel kuom jogi Israel obiro mondo olem e Hekaluni, koa e piny mabor nikech nyingi,

Wuok 12:49

Chikni otweyo ja-Israel gi jadak machalre.”

Tim jo-Lawi 16:29

Koro chik momakou nyaka chieng’ e ma: Due apar mar due mar abiriyo, un jo-Israel kaachiel gi jopinje mamoko modak kuomu, nyaka utue chiemo, kendo kik uti tich moro,

Tim jo-Lawi 17:15

“Ng’ato ang’ata, bed ni en ja-Israel kata japiny moro modak kuomu, mochamo gimoro motho athoya kende, kata ma ondiek onego, nolwok lepe kendo nolwokre, to nosik kogak nyaka odhiambo, eka bang’e nobed maler.

Tim jo-Lawi 4:2

Nyis jo-Israel ni magi e chike ma omako ng’ato ang’ata ma oboth, mi oketho chikna moro amora mi otimo gimoro ma chikgo okwero.

Kwan 15:15

En mana chik achiel ma omakou kaachiel gi japiny moro modak kuomu, kendo omako nyikwau nyaka chieng’. Un gi jodak uchalru e nyim Ruoth Nyasaye.

Kwan 15:28

kendo jadolo nopwodh ni ng’atno kethone e nyim Ruoth Nyasaye, mi nowene.

Kwan 15:30

To ng’ato ang’ata ma oketho goyiem oyanyo Ruoth Nyasaye, bed ni en ja-Israel kata japiny moro modak kuomu. Nyaka ng’ad kare oko kuom ogandagi,

Kwan 9:14

“Ka japiny moro odak kuomu, to en bende nyaka otim ni Ruoth Nyasaye Sap Pasaka, koluwo chike moketi duto. Chik achielno omako jadak gi ja-Israel machalre.”

Luka 12:48

to jatich ma ok ong’eyo gima ruodhe dwaro ni mondo otim, mi oboth motimo gima owinjore gi kum, to nochwad mana matin. Ng’at momi gik mang’eny, nodwar kuome gik mang’eny. Adier ng’at mogen gi gik mang’eny nodwar kuome gik mang’eny moloyo!

Joshua 8:33

Mi jo-Israel duto gi joma nobiro kodgi, kaachiel gi jodongo gi jotelo kod jong’ad bura, nochung’ e dir Sandug Muma mar Ruoth Nyasaye koni gi koni, ka gimanyore gi jo-Lawi ma jodolo ma noting’e. Jo-Israel moko nochung’ kochomo got Gerazim, to modong’ nochomo got Ebal, mondo oguedhgi kaka Musa jatich Ruoth Nyasaye nosechiko chon.