Kwan 15:27 - MUMA MALER 2015

²⁷ “To ka ng’at achiel kende ema oketho ka kia, to nyaka ochiw diel swini ma hike achiel, mondo otimgo misango mar golo richo,

Motingʼo Loko Manyien

²⁷ “ ‘To ka ngʼato achiel ema otimo richo ka ok ongʼeyo, to nyaka ochiw diel madhako ma ja-higa achiel kaka misango mar golo richo.

Kwan 15:27 ပူးပေါင်းရင်းမြစ်များ

Tim jo-Lawi 4:2

Nyis jo-Israel ni magi e chike ma omako ng’ato ang’ata ma oboth, mi oketho chikna moro amora mi otimo gimoro ma chikgo okwero.

Kwan 6:14

kendo nochiw ni Ruoth Nyasaye nyaim ma hike achiel maonge songa mondo otimgo misango miwang’o pep, gi rombo swini maonge songa mondo otimgo misango mar sawo,

Luka 12:48

to jatich ma ok ong’eyo gima ruodhe dwaro ni mondo otim, mi oboth motimo gima owinjore gi kum, to nochwad mana matin. Ng’at momi gik mang’eny, nodwar kuome gik mang’eny. Adier ng’at mogen gi gik mang’eny nodwar kuome gik mang’eny moloyo!

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Tich Joote 3:17

Eka Petro nodhi nyime kowacho ni, “To koro un jowetena, ang’eyo ni un kaachiel gi jodongu, ne utimo ni Yesu kamano ka ok ung’eyo gima utimo.

1 Timotheo 1:13

Kata obedo ni ne an ng’at mayanyo nyinge, kendo ma jasand ji, kendo ma jakwinyo, to ne okecha nikech ne atimo gigo kane pok ayie, kendo ka akia gima atimo.