Kwan 15:25 - MUMA MALER 2015

²⁵ Eka jadolo nopwodh oganda duto mar Israel, mi nowenigi richogi, nikech ne giketho mana ka gikia, kendo gisetimo ni Ruoth Nyasaye misango miwang’o. Bende gisetimo misango mar golo richo e nyim Ruoth Nyasaye kuom ketho mane giketho ka gikia.

Motingʼo Loko Manyien

²⁵ Jadolo notim pwodhoruok ne oganda duto mag jo-Israel, kendo nowenegi richogi, nimar ne ok gingʼeyo gima negitimo kendo gisekelone Jehova Nyasaye misango mowangʼ pep kuom ketho margi kod misango mar golo richo.

Kwan 15:25 ပူးပေါင်းရင်းမြစ်များ

Eklesiastes 5:6

Kik iwe wecheni iwuon teri e richo, nono to idhi e nyim jadolo mar Nyasaye, kiywagori ni iseketho, nikech kitimo kamano to imiyo Nyasaye kecho kodi, kendo obiro ketho gik ma luchi osemiyi.

Tim jo-Lawi 15:15

Jadolo nokaw akuru achiel, mi notimgo misango mar golo richo, to machielo notimgo misango miwang’o pep. Kamano nopwodh ng’atno e nyim Ruoth Nyasaye, kaka chik dwaro kuom gak mar chuer.

Tim jo-Lawi 4:20

Nowang’ nyarwadhno mana kaka iwang’o rwath mitimogo misango mar golo richo. Kamano e kaka jadolo nopwodhnigi kethogi, mi nowenigi.

Tim jo-Lawi 4:26

Enowang’ boche duto e kendo-mar-misango mana kaka iwang’o boche mag misengni mag sawo. Kamano e kaka jadolo nopwodh ketho ng’atno mi nowene.

Tim jo-Lawi 4:31

Enogol bochene duto mana kaka igolo boche mag jamni mitimogo misengni mag sawo, mi jadolo nowang’gi e kendo-mar-misango mondo odum mamit ni Ruoth Nyasaye. Kamano e kaka jadolo nopwodh ketho ng’atno, mi nowene.

Tim jo-Lawi 4:35

Enogol boche duto, mana kaka igolo boche mag rombe mitimogo misengni mag sawo. Eka nowang’ bochego ewi misengni miwang’o ni Ruoth Nyasaye, kopwodhogo ketho ma ng’atno osetimo, mi nowene.

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Tich Joote 13:39

Bende nyaka ung’e ni ng’ato ka ng’ato moyie kuome, to owene richone duto mane Chik Musa otueyo.

Jo-Rumi 3:25

Nyasaye nochiwo Yesu mondo thone obed misango migologo richo mag joma oyie. Notimo kamano mondo onyisgo ni timne kare, kata obedo ni ne osebedo ka ok odew richo mane joma chon otimo kamano.

Rapar mar Chik 21:21

Eka jodalano duto nyaka goye gi kite nyaka otho. Mano e kaka unupwodhru kuom richo ma kamano, mi jo-Israel duto nowinj wachno, kendo nobed maluor.

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 9:7

Hema mar ariyo to jadolo maduong’ kende ema donjoe nyadichiel higa ka higa. To bende ok onyal donjo kanyo ka oonge gi remo ma ochiwo mondo obed misango mopwodhogo richone owuon, kendo mopwodhogo richo ma oganda otimo ka ok ong’eyo.

1 Johana 2:2

En e misango magolo richowa, to ok richowa kende ema ogolo, to ogolo koda ka richo mar piny duto bende.