Kwan 15:20 - MUMA MALER 2015

²⁰ Ka utedo makati gi mok cham mukwongo kayo, to nyaka uket makati achiel tenge, obed mich moyiedhi, mana kaka uketo tenge cham mukwongo dino.

Motingʼo Loko Manyien

²⁰ Chiw cham moa e nyak mokwongo mar lopi kendo ichiwe kaka misango moa e laru mar dino cham.

Kwan 15:20 ပူးပေါင်းရင်းမြစ်များ

Nehemia 10:37

Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Wuok 23:19

“Cham mabeyoe moloyo mukwongo kayo, nyaka ukel e Od Ruoth Nyasaye ma Nyasachu. “Kutedo nyadiel, to kik uolie cha min mare.

Wuok 34:26

“Cham mabeyoe moloyo mukwongo kayo nyaka ukel e Od Ruoth Nyasaye ma Nyasachu. “Kitedo nyadiel, to kik uolie cha min.”

Ezekiel 44:30

Gin ema giniyud cham mabeyo duto mokwongo chiek mochiwna. E kinde ka kinde ma ji otedo makati, to ginimi jodolo makati mokwong tedi kaka chiwo mondo oguedh miechgi.

Tim jo-Lawi 2:12

To gigo unyalo chiwo ni Ruoth Nyasaye ka misango mar chamb agwela, to kik wang’gi e kendo-mar-misango kaka iwang’o misango madum tik mang’ue ng’ar.

Tim jo-Lawi 2:14

Ka utimo ni Nyasaye misango mar cham gi cham mokwongo nyak, to nyaka uchiw cham manyien molodi kendo moyoki.

Tim jo-Lawi 23:10

“Ka uchopo e piny ma abiro miyou, mi ukayoe cham, to nyaka ukel ni jadolo cham mukwongo kayo higa ka higa.

Tim jo-Lawi 23:20

Jadolo nyaka chiwgi e nyim Ruoth Nyasaye ka mich moyiedhi, kaachiel gi makati mag chamb gwel. Ginibed mich moyiedhi michiwo e nyim Ruoth Nyasaye, kendo ginidong’ ni jadolo.

Kwan 15:21

Nyaka uchiw ni Ruoth Nyasaye mich moyiedhi mugolo kuom makati mukuongo tedo. Mano en chik momakou gi nyikwau nyaka chieng’.

Kwan 18:12

“Amiyou mo maber gi divai manyien mabeyo duto gi cham mabeyo, tiende ni cham agwela mochiw ni Nyasaye.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Jo-Rumi 11:16

Ka makati mokwong tedo ochiw ni Nyasaye, to mano miyo makati duto bet maler, kendo ka tiend yath ler, to mano nyiso ni bedene duto ler.

1 Jo-Korintho 15:20

To en adier ni Kristo ne ochier oa kuom joma otho! En ema nokwongo chier mana ka gir singo ni joma otho biro chier.

Rapar mar Chik 14:22

“Higa ka higa nyaka uket tenge achiel kuom apar mag gik moko duto monyak e puotheu, kaka cham gi divai gi mo, kaachiel gi nyithind jambu duto mokwong nywol.

Rapar mar Chik 14:23

Chamgiuru e nyim Ruoth Nyasaye ma Nyasachu kama obiro yiero mondo nyinge obedie. Kamano ubiro puonjoru luoro Ruoth Nyasaye ma Nyasachu ndalo duto.

Rapar mar Chik 16:13

“Kusetieko kayo ngano kendo pono mzabibu, to nyaka utim Sap Kiche kuom ndalo abiriyo.

Jakobo 1:18

Kuom dwarone owuon ne ochweyowa manyien kuom wach mar adiera, mondo wabed kaka olemo mokwongo nyak kuom chuechne duto.

Fweny 14:4

Magi e joma ne ok odwanyore gi mon, to ne giritore maler. Giluwo Nyarombo kamoro amora modhiye. Osewargi kuom ji mana kaka olemo mokwongo nyak, michiwo ni Nyasaye kendo ni Nyarombo.