Kwan 15:10 - MUMA MALER 2015

¹⁰ kod divai moromo lita ang’wen mondo otimgo misango miolo piny. Gigo duto nobed misango miwang’o mondo odum tik mamit ni Ruoth Nyasaye.

Motingʼo Loko Manyien

¹⁰ Bende ukel nus mar lita mar divai kaka misango miolo piny. Obiro bedo chiwo mowangʼ miwangʼo, ma en gima dungʼ tik mangʼwe ngʼar mamoro Jehova Nyasaye.

Kwan 15:10 ပူးပေါင်းရင်းမြစ်များ

Kwan 15:11

Mano e gima nyaka utim ni rwath ka rwath, kata ni im ka im, kata ni nyarombo ka nyarombo.

Kwan 15:5

Bende nyaka uchiw lita ariyo mar divai obed misango miolo piny kuom nyarombo ka nyarombo mutimogo misango miwang’o pep, kata misango mar sawo.

Kwan 15:9

to nyaka uchiw bende mogo moromo kilo apar moruw gi mo moromo lita ang’wen, mondo otimgo misango mar cham,

Kwan 6:15

gi odheru moting’o makati ma ok ketie thowi, moted gi mo, kod chapati ma bende ok ketie thowi, mowir gi mo kaachiel gi misengni mag cham kod misengni miolo piny, kaka chik dwaro.

1 Samuel 1:24

Kane nyathi oseweyo dhoth, nodhi kode Shilo gi rwath ma hike adek, gi mogo ma dirom depe ariyo, gi divai e ndede mar pien, modonjo e od Ruoth Nyasaye.