Kwan 14:8 - MUMA MALER 2015

⁸ Ka Ruoth Nyasaye mor kodwa, to obiro terowa e piny maber kendo momewno, mi omiwago.

Motingʼo Loko Manyien

⁸ Ka dipo ni Jehova Nyasaye mor kodwa, to obiro telonwa nyaka e pinyno, piny mopongʼ gi chak kod mor kich, kendo obiro miyowa pinyno.

Kwan 14:8 ပူးပေါင်းရင်းမြစ်များ

2 Samuel 22:20

Ne ogola e chandruok, mi abedo thuolo. Noresa nikech nomor koda.

1 Ruodhi 10:9

Apako Ruoth ma Nyasachi moheri, kendo oketi ruodh Israel. Ruoth Nyasaye oseketi ruoth ni mondo ing’ad bura kare.”

2 Ruodhi 18:32

nyaka chop abi, mi agolu kendo ateru e piny machal gi pinyuni, mondo kik utho, to ubed mana mangima. En piny ma cham gi mzabibu chiekie maber, kendo ma makati gi divai gi mor zeituni kod mor kich ng’enyie. To kik uwinj Hezekia kawuondou ni Ruoth Nyasaye biro konyou.

Zaburi 22:8

Giwacho kuoma niya, “Ne ogeno kuom Ruoth Nyasaye, to koro dak orese? Chutho, ka ohere, to dak okonye?”

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Isaya 62:4

Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Jeremia 32:41

Anatimnigi maber ka chunya mor, kendo anagurgi motegno e pinyni gi chunya duto kod parona duto.

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Kwan 13:27

To ne giwacho ni Musa niya, “Ne wadhi mwawuotho e piny mane iorowa,

Kwan 16:14

To gima rach moloyo en ni ok isekelowa e piny maber kendo momew, bende ok isemiyowa puothe cham gi mag mzabibu mondo obed mawa. Iparo ni inyalo wuondo ji machal kodwa kama? Ooyo, ok wabi!”

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Rapar mar Chik 10:15

To kata kamano, Ruoth Nyasaye ne pod rito kwereu nikech noherogi, mi bang’gi noyiero mana un nyikwagi kuom ogendini moko duto mondo ubed joge, kaka pod ubet nyaka chil kawuono.

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”