Kwan 14:40 - MUMA MALER 2015

⁴⁰ To kinyne ne giwuok kogwen, mi gidhi ewi gode mag piny moting’ore, ka giwacho niya, “Wayie ni wasebedo joketho, omiyo koro wan e yo, wadhi kuma Ruoth Nyasaye owacho.”

Motingʼo Loko Manyien

⁴⁰ Kiny gokinyi mangʼich ne giwuok mi gidhi e piny manie got. Negiwacho niya, “Wasetimo richo. Wabiro dhi nyaka kama Jehova Nyasaye nosingo.”

Kwan 14:40 ပူးပေါင်းရင်းမြစ်များ

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Kwan 15:30

To ng’ato ang’ata ma oketho goyiem oyanyo Ruoth Nyasaye, bed ni en ja-Israel kata japiny moro modak kuomu. Nyaka ng’ad kare oko kuom ogandagi,

Kwan 22:34

Balaam nowacho ni malaika mar Ruoth Nyasaye niya, “Aseketho. Ne ok ang’eyo ni ichung’ e nyima e yo mondo igeng’na. To koro ka wuodhani ok berni, to ayie dok dala.”

Luka 13:25

Jaduong’ ot biro chung’, mi lor dhoot, to bang’ mano, kuchung’ oko mi udwong’o kuwacho ni, ‘Jaduong’, yawnwa’, to nodwoku ni, ‘Ok ang’eyou! Ua kanye?’

Rapar mar Chik 1:41

“Eka nudwoka niya, ‘Waseketho e nyim Ruoth Nyasaye, omiyo koro wabiro dhi mondo wamonj pinyno kaka Ruoth Nyasaye ma Nyasachwa ochikowa.’ Omiyo ng’ato ka ng’ato kuomu nokawo gi lwenje, kuparo ni en gima yot monjo piny godeno.

Rapar mar Chik 1:43

Nanyisou kamano, to ne ok udewo. Nudagi winjo wach Ruoth Nyasaye, mudhi umonjo piny gode mana gi wiu matek.