Kwan 14:34 - MUMA MALER 2015

³⁴ Ne ubet ka urango pinyno kuom ndalo piero ang’wen omiyo unuchul richou kuom higni piero ang’wen, ka higa achiel ikwano kar ndalo achiel, mi unung’e kaka ajok kodu.

Motingʼo Loko Manyien

³⁴ Ne ubet ka unono pinyno kuom ndalo piero angʼwen, omiyo unuchul richou kuom higni piero angʼwen, ka higa achiel ikwano kar ndalo achiel, mi unufweny malongʼo gima omiyo akwedou.’

Kwan 14:34 ပူးပေါင်းရင်းမြစ်များ

1 Ruodhi 8:56

“Apako Ruoth Nyasaye, mosemiyo joge Israel kue, kochopo gik moko duto mane osingore. Onge kata wach achiel moserem kuom singruokne duto mabeyo mane omiyo Musa jatichne owacho.

2 Weche mag Ndalo 36:21

Mano notimore mondo wach Ruoth Nyasaye mane omiyo Jeremia owacho, ochopi. Jeremia nosewacho niya, “Pinyni nonind ma ok opur kuom higni piero abiriyo, mondo ochulgo ndalo mag Sabato mane osekadho, ka jopiny ok orito.”

Zaburi 105:42

Notimo kamano nikech ne oparo singruokne maler, mane otimo ni jatichne Ibrahim.

Zaburi 38:4

Achako nyumora e ataro mar richona. Pek mar richona ohewa ting’o.

Zaburi 77:8

En adieri ni ng’wonone orumo chutho? Koso singruok mare ti oweyo?

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Ezekiel 14:10

Janabi kaachiel gi ng’ama openje wach noyud kum achiel machalre.

Ezekiel 23:35

“Koro an Ruoth Nyasaye awacho kama: Kaka ne wiyi owil koda, mi ilokona ng’eyi, ibiro yudo sand kuom gombo ma in go kod timbeni mag chode.”

Ezekiel 4:5

Inirieri kanyo kuom ndalo mia adek gi piero ochiko, nikech akwano ndalo achiel kar higa achiel ma abiro kumogie.

Ezekiel 4:6

Ka isetieko ndalogo duto, to chak inind kendo gi ng’eti korachwich, mondo iting’ richo mag jo-Juda bende kuom ndalo piero ang’wen. Akwano ndalo achiel kar higa achiel.

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Hosea 9:12

To kata kapo ni ginywolo nyithindo, to anami nyithindgigo tho duto mak aweyo kata achiel ka ngima. Ka ajwang’o jogi, to giniyud masira malich.

Tim jo-Lawi 20:19

Kik iterri gi nyamin meru kata gi wayu, nikech mano en ketho wat. Joma timo kamano nyaka yud kum.

Zekaria 11:10

Eka ne akawo ludha miluongo ni Ng’wono, mi aturo, ka anyisogo ni singruok mane Ruoth Nyasaye otimo gi ogendini duto okethi.

Kwan 13:25

Bang’ ndalo piero ang’wen ne gidwogo Kadesh e thim Paran, ka gia chengo pinyno,

Kwan 18:23

To jo-Lawi ema nobed ka tiyo tich Hema, kendo gimoro amora marach motimore kuome nobed wachgi. Mano e chik momakou gi nyikwau nyaka chieng. Ok giniyud lowo moro mopognigi kuom jo-Israel,

Kwan 32:13

Ruoth Nyasaye nokecho gi jo-Israel mi ne omiyo gidigni e thim kuom higni piero ang’wen-gi, nyaka tieng’ mane oketho e nyimeno otho duto.

Tich Joote 13:18

kendo nokurogi e thim kuom higni ma dirom piero ang’wen.

Rapar mar Chik 2:7

nimar Ruoth Nyasaye ma Nyasachu oseguedhou kuom gik moko duto ma usetimo. Oseritou ka uwuotho e thim malichni. Kuom higni piero ang’wen-gi duto Ruoth Nyasaye ma Nyasachu osebedo kodu, kendo onge gima usechando.” ’

Jo-Hibrania 4:1

Koro Nyasaye oseweyonwa singruok ni wanyalo donjo kama entie mondo wayue kode. Omiyo watang’uru mondo ng’ato kuomwa kik par ni thuolo mar donjo e yueyono osekadhe,

Joshua 14:10

Koro en higni piero ang’wen gabich nyaka ne Ruoth Nyasaye singre ni Musa e wachno e ndalo mane jo-Israel pod wuotho e thim. To Ruoth Nyasaye oserito ngimana kaka nosingore mi koro an jahigni piero aboro gabich.

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.