Kwan 14:33 - MUMA MALER 2015

³³ Nyithindu biro digni e thim kuom higni piero ang’wen, nyaka ng’atu mogik tho kuno, ka gichulogo richo mane utimo kuom weya.

Motingʼo Loko Manyien

³³ Nyithindu nobed jokwath e pinyni kuom higni piero angʼwen, ka giyudo thagruok nikech bedou maonge gi ratiro, nyaka ane ni ringre ngʼama ogik odongʼ e thim.

Kwan 14:33 ပူးပေါင်းရင်းမြစ်များ

Zaburi 107:4

Jou moko nobayo abaya e thim kendo ne ok ginyal yudo mier ma gidakie.

Zaburi 107:40

to Nyasaye nyiso ni ochayo joma thirogi, komiyo gibayo abaya e thim ka giruenyo.

Zaburi 78:33

Mano omiyo Nyasaye nong’ado ndalogi machiek, kokelonigi masiche apoya.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Ezekiel 23:35

“Koro an Ruoth Nyasaye awacho kama: Kaka ne wiyi owil koda, mi ilokona ng’eyi, ibiro yudo sand kuom gombo ma in go kod timbeni mag chode.”

Hosea 9:1

Un jo-Israel, weuru timo sewni ka ogendini mamoko. Useweyo Nyasachu mi udok ni Baal kuonde dino duto mondo uyudie cham, mana ka dhako moweyo chwore to dwanyore gi chwo mamoko mondo oyudie pesa

Kwan 32:13

Ruoth Nyasaye nokecho gi jo-Israel mi ne omiyo gidigni e thim kuom higni piero ang’wen-gi, nyaka tieng’ mane oketho e nyimeno otho duto.

Kwan 33:38

Eka Harun jadolo noidho got Hor kaka Ruoth Nyasaye nochike, mi otho kuno due achiel, due mar abich e higa mar piero ang’wen bang’ wuok jo-Israel e piny Misri.

Kwan 5:31

Dichwo nobed maonge ketho, to chiege nyaka yud kum kuom kethone.”

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Rapar mar Chik 1:3

Chieng’ mokwongo mar due mar apar gachiel, e higa mar piero ang’wen bang’ wuok Misri, Musa nonyiso jo-Israel weche duto mane Ruoth Nyasaye osechike mondo owachnigi.

Rapar mar Chik 2:14

Ne wasetieko higni piero adek gaboro chakre kinde mane wawuokie Kadesh-barnea, nyaka wang’ado holo mar Zered. E kindeno tieng’ mar jolweny ne koro osetho duto, mana kaka Ruoth Nyasaye nosekuong’ore.

Rapar mar Chik 2:7

nimar Ruoth Nyasaye ma Nyasachu oseguedhou kuom gik moko duto ma usetimo. Oseritou ka uwuotho e thim malichni. Kuom higni piero ang’wen-gi duto Ruoth Nyasaye ma Nyasachu osebedo kodu, kendo onge gima usechando.” ’

Rapar mar Chik 29:5

Ruoth Nyasaye osetelonu e thim kuom higni piero ang’wen, to lepu kata wuochu pok oti,

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Rapar mar Chik 8:4

Kuom higni piero ang’wen go duto, lepu ne ok oti, kata tiendu ne ok okuot.

Joshua 14:10

Koro en higni piero ang’wen gabich nyaka ne Ruoth Nyasaye singre ni Musa e wachno e ndalo mane jo-Israel pod wuotho e thim. To Ruoth Nyasaye oserito ngimana kaka nosingore mi koro an jahigni piero aboro gabich.

Joshua 5:6

Jo-Israel nosewuotho e thim kuom higni piero ang’wen, kendo joma dongo duto mane oa Misri koseromo kedo nosetho, nikech ne ok girito chik Ruoth Nyasaye. Ruoth Nyasaye noramo ni ok nowe gine piny momew kendo man gi mwandu mane osesingore ni kwerewa ni nomiwa.