Kwan 14:24 - MUMA MALER 2015

²⁴ To jatichna Kaleb ema osebedo gi chuny maber, nimar oseluwa gi chunye duto. Kuom mano abiro kele e piny mane osedhiye, mi nyikwaye nokaw. En piny pap, ma jo-Amalek kod jo-Kanaan odakie.

Motingʼo Loko Manyien

²⁴ To nikech jatichna Kaleb nigi chuny mopogore kod mag-gi kendo ma luwa gi chunye duto, abiro tere e piny mane odhiyoeno, kendo nyikwaye nokaw pinyno kaka girkeni margi.

Kwan 14:24 ပူးပေါင်းရင်းမြစ်များ

1 Weche mag Ndalo 29:18

A Nyasach Ibrahim gi Isaka kod Israel kwerewa, yie imi jogi obed gi chuny mang’won kama nyaka chieng’, kendo imi gipari.

1 Weche mag Ndalo 29:9

Ji duto ne mor ahinya nikech ne gineno ka jogo golo chiwo ni Ruoth Nyasaye gi chuny achiel.

2 Weche mag Ndalo 25:2

Timbe Amazia ne long’o e nyim Ruoth Nyasaye, to ne ok otimgi gi chunye duto.

Zaburi 119:145

Aywakni gi chunya duto, A Ruoth Nyasaye. Yie idwoka mondo arit chikeni.

Zaburi 119:80

Konya amak chikeni gi chunya duto mondo kik ayud wichkuot.

Ngeche 23:26

Wuoda, chik iti maber mondo ngimana obedni ranyisi.

Kwan 13:30

To Kaleb nokwayo ji e nyim Musa mondo oling’, kowacho niya, “Wadhiuru piyopiyo mondo wakaw pinyno, nikech wan gi teko mwanyalo kawego.”

Kwan 14:30

Onge ng’ato kuomu ma nodonj e piny mane akuong’ora kating’o bada ni nobed maru, to mak mana Kaleb wuod Jefune gi Joshua wuod Nun.

Kwan 26:65

nimar Ruoth Nyasaye nosewacho ni nyaka githo giduto e thim. Onge ng’ato kuomgi mane pod ngima, mak mana Kaleb wuod Jefune kod Joshua wuod Nun.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Jo-Efeso 6:6

Kik utim kamano mana ni ji oneu, ka gima udwaro bedo malong’o mana ni ji, to timuru gima Nyasaye dwaro gi chunyu duto, kaka wasumbini mag Kristo.

Rapar mar Chik 1:36

mak mana Kaleb wuod Jefune. En ema none pinyno, kendo anamiye kaachiel gi nyikwaye piny ma osenyonono, nikech osebedo ka oluwa gi chunye duto.’

Rapar mar Chik 6:5

Heruru Ruoth Nyasaye ma Nyasachu gi chunyu duto, gi parou duto, kendo gi tekou duto.

Jo-Kolosai 3:23

Gimoro amora mutimo, to timuru gi chunyu duto, mana ka gima utiyo ni Ruoth, to ok ni dhano,