Kwan 14:21 - MUMA MALER 2015

²¹ To kaka antie, kendo kaka duong’na nopong’ piny duto,

Motingʼo Loko Manyien

²¹ Kata kamano, akwongʼora gi nyinga awuon kod duongʼ mara mopongʼo piny,

Kwan 14:21 ပူးပေါင်းရင်းမြစ်များ

Zaburi 57:6

Wasika osechikona obadho mondo omaka, omiyo chunya chandore. Adier, ne gikunyo bur e wang’ yora, to gin giwegi ema ginyumoree.

Zaburi 72:19

Pakuru nyinge maduong’ nyaka chieng’, kendo duong’ne maler mondo opong’ piny! Amin!

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Isaya 49:18

Ting’ wang’i malo mondo irang koni gi koni. Nyithindi chokore ka biro iri. An Ruoth Nyasaye mangima, akuong’ora niya, “Nyithindi nochal gi thiwni ma dhako rwako, kata ka law maber ma miaha rwakorego.

Isaya 6:3

Ne giluongore, ka moro ka moro kok ni wadgi niya, “Mano kaka Ruoth Nyasaye Manyalo Gik Moko Duto ler! Oler adier! Yaye mano kaka oler! Piny duto opong’ gi duong’ne.”

Jeremia 22:24

Ruoth Nyasaye nowacho ni Jekonia wuod Jehoyakim ma ruodh Juda niya, “An Nyasaye mangima akuong’ora ni kata ka inie tere manie lweta ma korachwich to pod dawuodhi oko,

Ezekiel 18:3

“To an Ruoth Nyasaye awacho kama: Kaka an e Nyasaye mangima, ngerono ok nochak ogo e piny Israel kendo.

Ezekiel 20:36

Kaka ne akumo kwereu e Thim Sinai, e kaka koro abiro kumou kuno. An Ruoth Nyasaye ema awacho kamano.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Ezekiel 33:27

“Nyisgi bende ni an Ruoth Nyasaye akuong’ora ni kaka an Nyasaye mangima, ji modak e mier modong’ gundni ibiro nego, kendo joma odak oko e risaf, ondiegi nocham, to joma opondo e gode kod buche, tuoche nonegi.

Ezekiel 5:11

“An Ruoth Nyasaye mangima, akuong’ora kama: Kaka usedwanyo Hekalu mara gi timbeu mamono kendo makuero, omiyo ok nang’wonnu, to anatieku atieka, mak akechou.

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Kwan 14:28

Wachnigi ni awacho kakuong’ora ni, Kaka antie, abiro chopo mana weche ma asewinjo kuwacho.

Mathayo 6:10

Lochni mondo obi, kendo dwaroni mondo otimre e piny kaka timore e polo.

Rapar mar Chik 32:40

Koro ating’o bada ka akuong’ora gi nyinga awuon mochwere ni,