Kwan 14:16 - MUMA MALER 2015

¹⁶ ‘Ruoth Nyasaye osetieko jogi e thim, nikech kelogi e piny mane osingorenigi otame.’

Motingʼo Loko Manyien

¹⁶ ‘Jehova Nyasaye ne ok nyal chopo gi jogi e piny mane osingorenegi kokwongʼore, momiyo ne onegogi e thim.’

Kwan 14:16 ပူးပေါင်းရင်းမြစ်များ

Wuok 32:12

Ang’o momiyo imiyo jo-Misri biro wacho, niya, ‘Ruoth Nyasaye nogolo jo-Israel Misri mana ni mondo otimnigi marach, konegogi e gode, kendo otiekgi chuth’? Yie iwe mirimbi mager, kendo ilok paroni, mondo kik ikel masirani kuom jogi.

Kwan 14:17

“Omiyo ma e sa monego inyisie tekoni machal gi weche mane iwacho niya,

Rapar mar Chik 9:28

nikech ka ok kamano to weg piny mane igolowae biro wacho niya, “Ruoth Nyasaye osetero joge e thim mondo otho kuno, nikech osin kodgi, kendo nikech ok onyal terogi e piny mane osesingore ni nomigi.”

Joshua 7:7

Joshua nowacho niya, “A Ruoth Nyasaye, ere gimomiyo isekelo jogi loka Jordan mana ni mondo ichiwgi e lwet jo-Amor, kendo itiekgi? Mad ne wasik loka cha!

Joshua 7:9

Kapo ni jo-Kanaan kod jopinyno duto owinjo wachni, to gibiro nur kuomwa, kendo yweyowa ka yuech. To koro ang’o ma nitim mondo ires nyingi maduong’ni?”