Kwan 14:14 - MUMA MALER 2015

¹⁴ kendo gibiro nyiso jo-Kanaan kamano. Gin bende koro gisewinjo ni idak e dier jogi, kendo ni gineni wang’ gi wang’. Ging’’eyo bende ni bor polo mari ochung’ ewi jo-Israel, ka itelonigi e siro mar bor polo godiechieng’, to gotieno itelonigi e siro mar mach.

Motingʼo Loko Manyien

¹⁴ Kendo gibiro nyiso jopinyni wachni. To bende gisewinjo ni in, yaye Jehova Nyasaye, oseneni kitelonegi godiechiengʼ gi boche mag polo, to gotieno itelonegi gi pilni mar mach.

Kwan 14:14 ပူးပေါင်းရင်းမြစ်များ

Chakruok 32:30

Jakobo nowacho niya, “Aseneno Nyasaye wang’ gi wang’, to pod angima!” Omiyo nochako nying kanyo ni Peniel (tiende ni, wang’ Nyasaye).

Nehemia 9:12

Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Nehemia 9:19

To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Zaburi 105:39

Nyasaye ne oyaro bor polo ka pasia mondo ogeng’go joge, bende ne omiyogi mach mamenyonigi gotieno.

Zaburi 78:14

E kinde mag odiechieng’ ne otelonigi gi bor polo, to otieno duto ne otelonigi gi mach maliel.

Wuok 15:14

Ogendini moko osewinjo, mi otetni. Rem machal gi muoch omako jo-Filistia.

Wuok 33:11

Kamano Ruoth Nyasaye ne wuoyo gi Musa wang’ gi wang’ mana kaka ng’ato wuoyo gi wadgi. Bang’e Musa ne duogo e kambi. To Joshua wuod Nun, wuowi mane konye, ne dong’ mana e hema.

Wuok 33:16

nikech ka ok idhi kodwa, to ere kaka ji nyalo ng’eyo ni imor kodwa? To ka idhi kodwa, jogi kaachiel gi an nobed joma opogore gi dhoudi duto manie piny.”

Wuok 40:38

Kamoro amora mane jo-Israel dhiye, bor polo mar Ruoth Nyasaye nosiko ewi Hema Maler godiechieng’, to gotieno mach ne liel ei bor polono, kendo jo-Israel duto ne nyalo nene.

Kwan 10:34

Bor polo mar Ruoth Nyasaye ne ochung’ e wigi godiechieng’ ka gin e wuoth.

Kwan 12:8

En awuoyo kode wang’ gi wang’, kende mana moyangore ma onge ngero. Enone kit Ruoth Nyasaye. Ere kaka uhedhoru kuodho jatichna Musa?”

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Johana 14:9

To Yesu nodwoke niya, “Filipo, asebedo kodu ndalo mang’eny, to kara in pok ing’eya? Ng’at ma osenena, to oseneno Wuoro. Kuom mano, ere kaka iwacho ni mondo anyisu Wuoro?

1 Jo-Korintho 13:12

Koro waneno mana kido matiptip ka joma neno e rang’i marachrach, to chieng’no wananen malong’o. Rieko ma an-go sani en rieko morem, to chieng’no anang’e Nyasaye chuth, mana kaka Nyasaye ong’eya.

Rapar mar Chik 1:19

“Bang’e ne wawuok Horeb kaka Ruoth Nyasaye nochikowa, mi ne wawuotho e thim maduong’ kendo malich kaka ne uneno cha, kwadhi e piny gode mag jo-Amor, mi wachopo Kadesh-barnea.

Rapar mar Chik 34:10

Nyaka koroni janabi moro machal gi Musa, mane Ruoth Nyasaye romogo wang’ gi wang’, pok owuok e Israel.

Rapar mar Chik 5:24

mowachona niya, ‘Ne! Ruoth Nyasaye ma Nyasachwa osenyisowa duong’ne maler gi tekone, kendo wasewinjo dwonde kawuok ei mach. Omiyo koro wang’eyo ni kara Nyasaye nyalo wuoyo gi dhano, mi dhano chak bed abeda mangima.

Rapar mar Chik 5:4

Ruoth Nyasaye noloso kodu wang’ gi wang’ gie mach, ewi godno.

Joshua 5:1

Ruodhi duto mag jo-Amor ma nodak yo podho chieng’, kod jo-Kanaan ma nodak mokiewo gi Nam Mediterenia nowinjo ni Ruoth Nyasaye osemiyo aora Jordan oduono ka jo-Israel kadho. Omiyo kihondko nomakogi, mi gidoko maluor, kendo chunygi noa nikech jo-Israel.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.