Kwan 14:12 - MUMA MALER 2015

¹² Abiro goyogi gi tuo, bende ok abi kwanogi ka joga. To in gi nyikwayi natimu oganda maduong’ kendo mang’eny moloyogi.”

Motingʼo Loko Manyien

¹² Abiro negogi gi masira mi atiekgi chuth, to un to abiro miyou ubed oganda maduongʼ kendo motegno moloyogi.”

Kwan 14:12 ပူးပေါင်းရင်းမြစ်များ

2 Samuel 24:1

Mirima nochako omako Ruoth Nyasaye kod jo-Israel, mi nomiyo Daudi otimo gimoro ma dihinygi, kowachone niya, “Dhiyo ikwan jo-Israel gi jo-Juda.”

Wuok 32:10

Koro weya mondo atiekgi gi mirimba mager. Bang’e anamiyi doko oganda maduong’.”

Wuok 5:3

Ne giwachone niya, “Nyasach jo-Hibrania oseromo kodwa. Omiyo, yie iwe wadhi e wuodh ndalo adek e thim, mondo watim misango ni Ruoth Nyasaye ma Nyasachwa, nono to obiro kelonwa tho, kata lweny ma ditiekwa.”

Ezekiel 20:13

To ne gipiem apiema koda, kata mana e thim, ka giketho buchena, kendo gidagi chikena, ma ka ng’ato orito, to yudo ngima. Bende ne giketho ndalo mag Sabatona chuth. Mano ema omiyo ne achano mondo atiekgi gi mirimba mager e thim kuno.

Tim jo-Lawi 26:25

Anakel lweny kuomu mondo achulgo kuor kuom ketho singruok ma ne atimo kodu, kendo kata kuchokoru e miechu to anagou gi tuoche kendo wasiku nomaku.

Kwan 25:9

To noyudo ka thono osenego ji piero ariyo gang’wen.

Rapar mar Chik 28:21

Ruoth Nyasasye biro goyou gi tuoche nyaka tieku ua e piny mudonjoe mondo ukaw.