Kwan 13:33 - MUMA MALER 2015

³³ Kane wagoyo wang’wa kuom jo-Nefili, to ne waneno ka wachalo mana dede, bende mano e kaka ne wachalonigi.” (Jo-Anak gin nyikwa Nefili.)

Motingʼo Loko Manyien

³³ Ne waneno Nefilim kuno (nyikwa Anak aa kuom jo-Nefilim). Ne wanenore mana ka ongogo, to bende mano e kaka ne wachalo e nyimgi.”

Kwan 13:33 ပူးပေါင်းရင်းမြစ်များ

Chakruok 6:4

E ndalogo kod ndalo moluwo mano, ne nitie joma rabede miwuoro e piny, mane nyi dhano kod yawuot Nyasaye onywolo. Jogo ne thuondi kendo ne joma nigi huma e ndalo machon-go.

1 Weche mag Ndalo 11:23

Bende en ema nonego ja-Misri marabet mane borne romo mita ariyo gi nus. Ja-Misrino ne nigi tong’ machal gi lodi, to Benaya nodhine gi odunga. Noyudho tong’ e lwet ja-Misrino, monegego.

Isaya 40:22

ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Kwan 13:22

Ne giidho ka ging’ado piny milambo, mi gichopo Hebron, kuma ne Ahiman gi Sheshai kod Talmai ma nyikwa Anak odakie. (Hebron noger higni abiriyo kapok oger Zoan man e piny Misri.)

Kwan 13:28

mi wanwang’o ni en piny maber kendo momew, kendo magi e olembe manyak kuno. To jopinyno rateke, kendo miechgi ochiel motegno malich, kendo ne waneno nyikwa Anak kuno,

Kwan 14:1

Kane giwinjo weche jogo, oganda jo-Isarel duto noywak matek otienono duto, ka chunygi lit.

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 2:10

(Jo-Emim mane oganda maratego ahinya, kendo mane nigi ji mang’eny nosedak kuno e kinde moko. Ne gin joma raboche mana ka jo-Anakim.

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

Rapar mar Chik 9:2

Gin joma dongo kendo maboyo ma nyikwa Anakim, kaka ung’eyo, nimar usewinjo ka iwacho niya, ‘Ere joma nyalo siro nyikwa Anakim?’

Joshua 11:21

E ndalogo ema ne Joshua odhiye piny gode, motieko jo-Anak mane odak Hebron gi Debir gi Anab kendo e piny gode duto mag Juda kod mag Israel. Notiekogi duto, kendo noketho miechgi.

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”

Joshua 15:14

Kaleb nodaro jo-Anak adek ma nodak kuno, ma nyinggi Sheshai gi Ahiman kod Talmai. Ne gin nyikwa Anak.

1 Samuel 17:24

Kane jo-Israel oneno jalo, ne giringo giduto, ka luoro omakogi ahinya.

1 Samuel 17:42

Kane oneno Daudi, nojare, nikech ne en mana wuowi moa, ma silwal, kendo ma jaber.