Kwan 13:32 - MUMA MALER 2015

³² Kuom mano weche mane giwacho ni jo-Israel kuom piny mane gia chengono nonyoso chuny ji, nikech ne giwacho niya, “Piny ma nyocha wadhi chengono en piny manyalo mwonyo ng’ato ang’ata modhi dakie. Bende ji duto ma waneno kuno gin joma rabede.

Motingʼo Loko Manyien

³² Omiyo ne gilandone jo-Israel dwoko marachni kuom piny mane gidhi nono. Negiwacho niya, “Piny mane wadhi nono nego joma odak eigi. Ji mane waneno kuno gin joma robede.

Kwan 13:32 ပူးပေါင်းရင်းမြစ်များ

2 Samuel 21:20

Lweny nochako owuok e Gath, kama ne nitie ng’at magana ma rabora man gi lith lwedo auchiel gi lith tielo auchiel koni gi koni. Lith lwetene gi mag tiendene duto koriw ne romo piero ariyo gang’wen. Jalo bende ne ja-Refaim.

1 Weche mag Ndalo 20:6

Lweny nochako owuok Gath, kama ne nitie ng’at ma gana marabora man gi lith lwedo auchiel gi lith tielo auchiel koni gi koni, duto piero ariyo gang’wen. Jalo bende ne ja-Refaim.

Zaburi 106:24

Bang’e ne gichayo piny maber mane omiyogi, nikech ne ok giyie ni singruok mar Nyasaye en adier.

Ezekiel 36:12

Un joga Israel, anadwoku mondo uchak uwuoth e pinyu. Enobed pinyu uwegi, kendo nochieg maber, mi kech ok nochak oneg nyithindu.

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Amos 2:9

To koro eka un ema numiyo atieko jo-Amor ma raboche ka yiend sida, kendo matek ka yiend ober. Ne atiekogi pep!”

Kwan 13:28

mi wanwang’o ni en piny maber kendo momew, kendo magi e olembe manyak kuno. To jopinyno rateke, kendo miechgi ochiel motegno malich, kendo ne waneno nyikwa Anak kuno,

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’