Kwan 13:31 - MUMA MALER 2015

³¹ To joma noyudo osedhi kode kuno nowacho niya, “Ooyo, ok wanyal monjo jogo, nikech gitek moloyowa.”

Motingʼo Loko Manyien

³¹ To joma nodhi kode kuno nowacho niya, “Ok wanyal monjo jogo; gitek moloyowa.”

Kwan 13:31 ပူးပေါင်းရင်းမြစ်များ

Kwan 13:30

To Kaleb nokwayo ji e nyim Musa mondo oling’, kowacho niya, “Wadhiuru piyopiyo mondo wakaw pinyno, nikech wan gi teko mwanyalo kawego.”

Kwan 32:7

Ere gimomiyo unyoso chuny jo-Israel mondo kik ng’ad loka, odhi e piny ma Ruoth Nyasaye osemiyogi?

Kwan 32:9

Ne gidhi mi gichengo pinyno nyaka holo mar Eshkol, to kane gidwogo ne ginyoso chuny jo-Israel ni ok ginyal dhi kawo piny mane Ruoth Nyasaye osemiyogi.

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 9:1

“Winjuru un jo-Isarel. Kawuono ubiro ng’ado Jordan mondo udhi ukaw piny ogendini marateke kendo madongo moloyou, kaachiel gi mier mochiel gi ohinga mochopo e polo.

Jo-Hibrania 3:19

Omiyo waneno ni ne ok ginyal donjo kar yueyone nikech ne gitamore yie.

Joshua 14:8

Jomoko mane wabirogo nonyoso chuny ji, to an ne aluwo dwaro mar Ruoth Nyasaye ma Nyasacha gi chuny modimbore.

1 Samuel 17:33

To Saulo nowachone niya, “Ok inyal dhi kedo gi ja-Filistiano, nikech pod in mana wuowi, to jalo osebedo jalweny chakre tinne.”