Kwan 13:28 - MUMA MALER 2015

²⁸ mi wanwang’o ni en piny maber kendo momew, kendo magi e olembe manyak kuno. To jopinyno rateke, kendo miechgi ochiel motegno malich, kendo ne waneno nyikwa Anak kuno,

Motingʼo Loko Manyien

²⁸ Joma odak kuno nigi teko mangʼeny, kendo gidakie mier madongo mochiel motegno kendo malich. Bende ne waneno nyikwa Anak kuno.

Kwan 13:28 ပူးပေါင်းရင်းမြစ်များ

2 Samuel 21:16

Ne nitie ja-Refaim moro mathwon, ma pek tong’e ne dirom kilo adek. Noting’o ligangla manyien, kendo noparo ni doneg Daudi.

Kwan 13:33

Kane wagoyo wang’wa kuom jo-Nefili, to ne waneno ka wachalo mana dede, bende mano e kaka ne wachalonigi.” (Jo-Anak gin nyikwa Nefili.)

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 2:21

Ne gin oganda maratego ahinya, kendo mane nigi ji mang’eny. Ne gin joma raboche mana ka jo-Anakim, to Ruoth Nyasaye notiekogi, kane gitemo geng’o ni jo-Amon mane monjogi, mi jo-Amon nokawo pinygi mi odakie.

Rapar mar Chik 3:5

Ne gin mier piero auchiel, mochiel motegno gi ohinga maboyo, moketie dhorangeye man gi thipe kod lodi. To bende ne wakawo mier moko matindo mang’eny ma ok ochiel.

Joshua 11:22

Onge jo-Anak ma nodong’ kata achiel e piny mane jo-Israel okawo, mak mana mago ma nodak Gaza gi Gath kod Ashdod.

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”

Joshua 15:14

Kaleb nodaro jo-Anak adek ma nodak kuno, ma nyinggi Sheshai gi Ahiman kod Talmai. Ne gin nyikwa Anak.

Jong’ad Bura 1:20

Hebron nopog ni Kaleb, kaka Musa nosechiko, kendo Kaleb noriembo yawuot Anak adek ma noyudo kuno.