Kwan 12:14 - MUMA MALER 2015

¹⁴ Ruoth Nyasaye nodwok niya, “Ka da bed ni wuon mare ema ong’udho olawo e wang’e, donge da obedo gi wichkuot kuom ndalo abiriyo? Kuom mano keteuru kar kende oko mar kambi kuom ndalo abiriyo, eka mondo oduoge.”

Motingʼo Loko Manyien

¹⁴ Jehova Nyasaye nodwoko Musa niya, “Ka wuon-gi ne nyalo ngʼudho olawo e wangʼe, donge dine obedo gi wichkuot kuom ndalo abiriyo? Wale obed tenge kuom ndalo abiriyo; bangʼ mano inyalo duoge e kambi.”

Kwan 12:14 ပူးပေါင်းရင်းမြစ်များ

2 Ruodhi 15:5

Ruoth Nyasaye nomiyo ruoth tuo mar dhoho, mi nodak e ot kar kende nyaka otho. Jotham wuode nodoko jatelo e od ruoth, morito piny,

Ayub 17:6

To koro an ema gigoyona ngerono! Omiyo ka ji owinjo kamano, to gibiro ira, kendo ging’udho wang’a olawo.

Ayub 30:10

Gisin koda, kendo giparo ni giber moloya, bende gihedhore ng’udho wang’a olawo.

Isaya 50:6

Ne aloko dieng’eya ni joma goya, kendo nachiwo tika ni joma dwaro pudho. Wang’a bende ne ok apando kiyanya, kata king’udho kuoma olawo.

Tim jo-Lawi 13:4

To ka kama litno rachar, kendo ok nenre ni odonjo ei pien, to yier man kanyo bende ok olokore rachar to jadolo noket ng’at matuono kar kende kuom ndalo abiriyo.

Tim jo-Lawi 14:8

Ng’at mipwodhono nolwok lepe, kendo noliel yie dende duto, mi nolwokre gi pi, eka nobed mopwodhore. Bang’ mano onyalo donjo e kambi, to ok nonind e hembe nyaka ndalo abiriyo rum.

Kwan 5:1

Ruoth Nyasaye nowacho ni Musa niya,

Mathayo 26:67

Bang’e ne ging’udho kuome olawo, mi gigoye adhong’, kendo githale,

Rapar mar Chik 25:9

to chi owadgino nyaka dhi ire e nyim jodongo mi lony wuore e tiende, kendo ng’udh wang’e olawo. Bang’ mano dhakono nyaka wach niya, ‘Ma e kaka watimo ni ng’at modagi chungo wi owadgi.’

Jo-Hibrania 12:9

To bende wuonewa mag pinyni ne kumowa, kendo ne wamiyogi luor kaka owinjore. To koro Wuonwa mar chuny dwami luor malich machal nadi mondo wayud ngima!