Kwan 12:13 - MUMA MALER 2015

¹³ Omiyo Musa noywak niya, “A Ruoth Nyasaye, gima kama kik timre. Akwayi ni yie ichange.”

Motingʼo Loko Manyien

¹³ Omiyo Musa noywak ne Jehova Nyasaye niya, “Yaye Nyasaye, yie ichange!”

Kwan 12:13 ပူးပေါင်းရင်းမြစ်များ

Chakruok 20:17

To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.

1 Ruodhi 13:6

Eka ruoth nowacho ni ng’at Nyasaye niya, “Kwana Ruoth Nyasaye ma Nyasachi mondo bada ochangi.” Eka ng’at Nyasaye notimo kamano, mi bade notugore.

Zaburi 30:2

Ne aywakni mondo ikonya, A Ruoth Nyasaye, mi ichanga.

Zaburi 41:4

Ne awacho ni Ruoth Nyasaye niya, “Asetimo richo e nyimi, to yie ikecha mondo ichanga.”

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 4:7

Eka Ruoth Nyasaye nowachone ni, “So lweti e lawi kendo.” Mi notimo kamano, to kane ochako ogole oko nonwang’o kochango modoko mangima mana kaka dende duto.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Jeremia 17:14

Jeremia nokwayo niya, “A Ruoth Nyasaye, changa mondo adok mangima. Resa mondo ayud kue. In ema apaki.

Kwan 11:2

Eka jo-Israel noywak ni Musa, mi Musa nokwayonigi Ruoth Nyasaye mi mach otho.

Kwan 12:12

Kik iwe Miriam chal gi nyathi monywol kosetho, ma bath dende konchiel gimoro ochamo.”

Kwan 14:2

Giduto ne ging’ur ni Musa gi Harun, ka giwacho niya, “Mad ne watho e piny Misri, kata e thimni!

Kwan 16:41

To kinyne oganda duto mar Israel nong’ur ni Musa gi Harun, ka giwachonigi gisemiyo jo Ruoth Nyasaye moko otho.

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Luka 6:28

Guedhuru joma kuong’ou, bende lamuru Nyasaye ni joma yanyou.

Tich Joote 7:60

Eka nogoyo chonge piny, mokok matek niya, “Ruoth, we ni jogi richogi.” To kane osewacho kamano, chunye nochot. Saulo noyie gi nek Stefano.

Jo-Rumi 12:21

Kik uwe richo lou, to timuru gik mabeyo mondo ulogo richo.

Jakobo 5:15

Ka joma lemonego bende nigi yie, to obiro chango, mi Ruoth mi oa malo e kitandane, kendo ka osetimo richo to nowene.

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.